1.
男友玩monster hunter 試玩嗰時隻貓係改我個名
到正式版出咗佢隻貓係佢女神個名
然後,我嬲咗佢

2.
男友幫隻豬改做我個名,再係咁話我似佢
然後,我嬲咗佢

3.
我玩緊mhw
無啦啦女朋友同我講
「啲龍好地地坐係到無啦啦比你斬,仲要食埋人地啲肉!啲龍好慘又無辜呀!」
然後,佢嬲咗我…

4.
我老公玩MHW嗰陣比個隊友累死咗
之後佢話:「頂!豬一樣嘅隊友,點解我老婆會出現喺度㗎?!」
然後,坐喺後面嘅我嬲到癡線

5.
男友MHW戰友去旅行
男友依依不捨追問佢去幾多日,幾時返
仲叮囑佢返嚟要即刻一齊屠龍,勁Sweet⋯⋯
而我去咁多次旅行,佢都無咁問過我,我暗暗地嬲咗

6.
話說女友送咗隻mhw俾我,重叫我玩俾佢睇
打到中途佢問:「點解隻game咁悶㗎淨係砍黎砍去睇到我都就瞓著。」
然後,佢嬲咗我

7.
今日同男朋友去街
佢好興奮同我分享佢屠龍嘅成果
然後我夜晚臨返屋企前同佢講: 「我今晚要早訓呀,你都唔好打咁夜啦!」
男友:「傻豬!我會同你一齊早睡早起㗎!」
上樓前偷望佢走既背影,佢開心到跳舞
然後,我嬲咗佢

8.
男友: 「改咗MHW隻貓做你個名!」
我即時覺得好sweet, 覺得佢打住機都好掛住我
第二日我去陪佢打機
發現原來佢唔會救隻貓,隻貓衝去死,佢話唔使理隻貓佢識自己番生
我即刻反省自己係咪得罪咗佢

留言板