1.
搞ocamp唔夠組媽，我叫咗我女友頂住先。
結果佢同咗個組爸一齊咗
。
2.
同男友食燒肉，佢俾錢嗰陣俾我見到張酒店開房單，
然後佢極速將張單撕爛揸埋一舊再扔落爐燒到變左灰。
然後，冇然後了。
3.
考試期間，佢考完，我仲有一科。
嗰晚佢話要跟個同學夜晚去睇戲，然後失聯咗成晚。
第日我考完試，仲搵佢唔到，於是去佢屋企門口等佢。
終於等到佢返屋企，逼攻之下，佢承認去咗人地屋企過夜⋯⋯
佢求我原諒時喊住爆咗句「我哋有戴套！」
當時我年少無知，原諒咗佢。
然後，半年後佢同咗我另一個好友拍拖
。
4.
同男友一齊6年，都準備會結婚，但最後分咗手。
分完手個閨蜜一直陪住我，我自殺佢又阻止，又不停勸我放手。
分咗手4個月之後，我發現原來前男友暗地同我閨蜜一齊咗4年。
最好笑嘅係呢位閨蜜同佢前男友一齊咗5年。
我地4個，即係呢兩對情侶都幾frd，仲會有WhatsApp group成日傾計同得閒一齊出街⋯⋯
5.
同女友long D咗3個月左右，我突登唔通知佢飛返嚟香港俾surprise佢。
去佢課室出面，我見到佢拖住我朋友行出嚟⋯⋯
佢見到我之後呆咗，然後同我講分手。
一晚之後佢後悔，想同我講一齊返。我等佢同嗰條仔分手我都冇應承一齊返
6.
啱啱同女友一齊就介紹我兄弟俾佢識。
然後四個月後因爲我生日，我兄弟wtsapp我女友同佢講應該買咩禮物，之後慢慢撻著咗。
期間我矇然不知仲一直同個兄弟呻啲拍拖野，因為兄弟當時都有女朋友所以我無懷疑啲咩。
我同女友一齊左兩年，兩年入面我戴住八個月帽都唔知⋯⋯
