故事一:識女仔打波

「我發現男友裝咗交友app,佢話用嚟識人打波,我問做咩要識女仔打波,佢仲惡返我『唔信咪唔好信囉!』。事後當然知道佢識女仔唔係打波,而係揸波啦!」

「佢試過無啦啦發脾氣鬧走我,乘機搵第二個女仔;又試過食完生日飯後叫我拎蛋糕返屋企先,自己去咗同第二個女仔慶祝,嗰晚佢去到半夜先返屋企。」

到女事主搵到證據發現男友同其他女仔上過床後就即時講分手,打(揸)波男仲鬧佢絕情。

「佢呀媽阿姨都有打嚟求情,話個仔係玩唔係認真,話未結婚先咁結左婚唔會。我話未結婚已經咁,結左婚我有埋小朋友嘅時候我點算?之後佢地嬲我唔夠愛佢。夠愛就一定會原諒佢。而我就嬲到爆炸!」

 

故事二:狗公

「有次俾我見到我女友同隻狗公係公司同一個廁格出黎,女友同我講話淨係食下煙傾下計,我信咗。」

男事主同女友係同事,佢發現女友同公司一隻狗公玩得好埋,但女友話佢地只係好朋友,男事主就只好選擇相信。

「再到有一次女友話夜晚要同老豆上大陸玩,我同佢出完街送佢返屋企,點知又見到隻狗公係佢屋企附近唔知等緊邊個,佢好緊張咁同我講話『下做咩,唔係以為我同佢出街呀? 』。到佢上咗大陸我打俾佢,佢又whatsapp同我講話老豆係隔離唔俾佢傾電話,我又on99信咗佢…」

「到最後我點發現既呢?我係女友面前唱隻狗公狗緊公司另一位女同事,點知過咗一陣我就收到隻狗公whatsapp,話我點解喺我女友面前唱佢,重叫我以後唔好搵我女友,跟手Send咗啲相俾我睇,有狗公同我女友嘅對話圖,仲有扑嘢相…」

 

故事三:唯快不破

「我發現女友朝早先返屋企,問多兩句仲俾佢鬧返轉頭話我煩,話我多事。」

「話說女友同我住同一棟樓,有晚11點左右話瞓先,以前都無咁早。正當我好天真咁以為佢真係早瞓咗。第二朝早7點半左右,係平時搭開嘅小巴站見到佢喺架小巴落車,我見佢啲頭髮仲濕滴滴。當刻就緊係反應唔切,我仲俾藉口自己佢去咗親戚屋企過夜。之後問佢咩事咁早,佢就鬧返我話我多事。」

「後尾佢個best friend睇唔過眼,話咗我知佢去咗第二個男嘅屋企過夜。正當我想攤牌果陣,佢仲早先一步過我講分手。跟住block9埋我電話同whatsapp,fb都del撚埋我,快過坐過山車…」

留言板