1.
女友發夢夢到我約個ex食飯
佢呷醋呷到醒咗,起身後繼續呷醋唔開心
最後我要say sorry佢先下返啖氣 (因為我喺佢個夢對佢唔住…)

2.
女友問點解我張床可以日日陪我一齊瞓
然後佢呷我張床醋

3.
#女友投稿
同男友出街食飯搭枱,對面都係一對情侶
我男友坐得近拎筷子個位,佢竟然主動拎筷子俾對面個女仔先
然後我嬲咗一日

4.
我話夜晚要陪阿媽食飯所以陪唔到女友食飯
然後佢呷我阿媽醋

5.
#女友投稿
男友生日,佢個fd(男) 送咗個袋仔俾佢
佢第二日出街就即刻用個袋,又喺我面前讚個袋好用
平時我送嘢俾佢就影相post上IG,然後就消聲匿跡…
所以我呷佢個fd醋

6.
我讚女友阿妹(5歲)得意
女友 :「咁我呢?」
我口快快答佢 :「OK啦」
然後佢呷佢阿妹醋,跟手嬲埋我

7.
我行山時會禮貌地同啲陌生人打招呼
有次同個鬼妹say咗個hi
女友即刻跑開咗,叫極都叫唔返
最後要我認錯佢先肯理我

留言板