1.
我問男友:「如果你啲朋友見完我話『女友好正喎』,咁你會點答?」
男友:「攞去囉!」

2.
我:「如果我話你知我想做PTGF,你會點?」
男友:「價錢要訂低一啲。」

3.
我:「其實我有一對愛美神飛彈,只係暫時發射左出去未返嚟啫!」
男友:「有一個返左啦,去左你個肚到。」

4.
我:「哈!我係咪成日講埋啲小學生gag,唔好意思!」
男友:「唔係呀! 你講嘅小學生聽到都唔識笑。」

5.
臨睡前同男友傾計
男友默不作聲,輕掃我眼瞼。
示意叫我安息…唔好再講嘢。

6.
我:「個韓文miss講嘢勁快,不停講,好似我咁。我終於明白你平時聽我講嘢咩感覺。」
男友:「你唔明㗎! 因為miss講嘅係新嘢,唔會重複,你聽完係有用㗎。」

7.
我:「唉…好肥呀我!」
男友:「你邊係肥!」
我暗爽
男友:「你係腫!」

8.
點餐時間
我:「網上睇,暖男應該坐低就幫女友點餐,完全知道女友鍾意食咩!你都唔會嘅!成日問我要叫咩食!」
男友:「你咩都話鍾意食㗎啦,全部幫你叫晒呀?!」

9.
我病咗
我:「我會唔會死㗎!」
男友:「唔會啦…你煩到閰王推你上去,耶穌叫返你落嚟,唔會接收你!」

留言板