1.
我女朋友對我好好㗎
佢想我食多啲,健康啲
會俾啲佢唔食同食唔晒嘅嘢我食

2.
我女朋友對我好好㗎
佢買晒針同毛線諗住織頸巾俾我做聖誕禮物
但發覺唔夠時間
最後織咗條溫暖牌手繩俾我保暖

3.
我女朋友對我好好㗎
我病咗請假唔返工佢都會關心我係咪扮病
仲問我點解請假要返屋企而唔係去佢度

4.
我老婆對我好好㗎
晚晚佢都驚我熱
所以佢會搶晒啲被嚟瞓

5.
我女朋友對我好好㗎
有時佢見我耐冇覆佢
知我打機打得攰
佢都會on我account逼我下線

6.
我女朋友對我好好㗎
就算係邊個錯都好
佢都唔會打我面
最後仲原諒我

7.
我女朋友對我好好㗎
喺街見到啲肥婆豬扒
佢都第一時間叫我𥄫

8.
我老婆對我好好㗎
清晨五點幾天未光嘅時候
喺梳化攬住張毛氈瑟縮一角嘅我,突然感到一股暖流
原來我老婆喺房拎左張被出嚟比我
然後佢衝返入房鎖埋門繼續瞓

 

留言板