投稿觀賞區 31315. 老婆沖緊涼跣親”哎呀”左一聲，老公10秒後入去廁所問發生咩事，老婆仲係地下，以為老公會扶佢起身，老公企左係度，話”我以為有㗎電單車跌咗落街”，然後老婆自己企番起身，跟住嬲咗成晚 豆太 2022-12-09
投稿觀賞區 31314. 喺間舖買完之後嗰日女友覺得都係想加錢換過第二件貨，佢自己去返間店換，個店員喺咁話：E你個朋友呢？你朋友唔嚟嘅？呢隻色你朋友啱唔啱？然後佢嬲店員掛住我 被朋友 2022-12-08
投稿觀賞區 31311. 夜晚我喺床上面笑住問女友：「食唔食甜品？」 女友：「咩甜品啊？」然後我錫咗佢幾啖 我笑住問：「咁你食唔食雪條？」 佢怕羞話：「我先唔要」 我：「你唔食我食」 然後我喺雪櫃度拎咗支雪條出嚟，自己食曬 超自然生菜 2022-12-08
投稿觀賞區 31308. 有日屋企飛左隻大飛蛾入黎，老豆想一野打死佢，老母話：放走佢啦，可能係你啊爸啊媽黎睇你呢。但老豆無理，繼續打！之後老母話：唔係喎！我都無燒通行證比你啊爸啊媽！佢地都黎唔到搵你！然後，老豆無出聲，亦停左手 人地個女 2022-12-07
投稿觀賞區 31306. 中咗係屋企隔離，撞正男朋友生日，唯有幫佢訂餐廳等佢同屋企人食餐飯。結果成晚一個message都，等到11點打畀佢，佢食完飯同咗呀哥去酒吧睇世界盃，本身又話食完飯嚟探我！ 唔病都激到病女友 2022-12-07
投稿觀賞區 31305. 由於男朋友呢排健身成日睇埋啲男人大隻佬片 我:有冇曾經諗過自己會搞基 男朋友:遇到你之後我更加肯定自己 當我滿心歡喜時 男朋友:自己係鍾意男人 然後我嬲左 憤怒魚 2022-12-07
