投稿觀賞區 31327. 佢同我分享佢同事嘅男朋友送個Gucci 手袋俾佢做生日禮物。我就問佢咁我個份係咩，佢就話嚟緊我生日，帶我去奧脫福去睇歐聯個張波飛就係我嘅生日禮物。但明明我生日就唔係想去睇波！ 獌迷女友 2022-12-14
投稿觀賞區 31326. 話說，前排我拎住《十萬個激嬲女友》個Pokemon Post 俾我男友，睇完後，我問左佢「咁你覺得我咩系」佢冇諗，一秒直答我「臭系」然後我地兩個笑到仆街，我好欣賞佢嘅反應，所以我冇嬲到佢，但真的好好笑 仲意打機的女朋友 2022-12-14
投稿觀賞區 31325. 同男朋友打機(Splatoon), 有個模式類似係要拎舊野去搶checkpoint, 佢唔知舊野喺我手上面，以為只係隊友攞咗冇郁，一句屌埋去：屌行啦仆街！仲企喺度做咩啊！然後我細細聲話，嗰個係我黎。 無辜魷魚 2022-12-14
投稿觀賞區 31324. 同女朋友講緊如果生小朋友點教既問題 ，女朋友忽然講左句：不過呢，如果生著個好似我咁呆既就仆街啦 然後我諗都唔諗就應佢：係囉，咁就仆街囉 然後 佢嬲左我 谷德昭勁 2022-12-14
投稿觀賞區 31323. 老婆唱 First Love 主題曲，去到某嗰個位太高 Key 話唱唔到。然後我話：「可以播 YouTube 聽返。」之後佢有襯乜事都講：「可以播 YouTube 呀嘛！」 XY 2022-12-14
投稿觀賞區 31322. 女朋友中左Covid之後咳到死死下，跟住就問自己係唔係就黎死，我口快快咁講：「你仲有好長命wo，因為人之將死，其言也善。」然後我發覺打左3針都係要過身 打齊針的人 2022-12-12
投稿觀賞區 31321. 最近同男友中左Covid係屋企隔離，佢無耐前買左部ps5玩God of war，食完飯兩個坐係梳化度休息。佢問左句「你唔攰㗎咩」我以為問緊玩緊手機嘅我，我話「攰啊」，點知佢話「唔係問你，我話隻怪」 KT 2022-12-10
