投稿觀賞區 21270. 話說就應承咗陪女朋友買衫 咁佢都講咗好多次想買衫 咁陪佢行街睇衫啦 行咗兩三個商場 到最後我買到衫佢買唔到 仲要睇唔切佢想睇嗰間 然後 佢就嬲到唔想同我講嘢 女友永遠是對的 2019-03-04
投稿觀賞區 21267. 有日申手入男友褲到準備曳曳嘅時候 「Boooot!!!」佢放咗個勁臭嘅屁! 我攞番隻手俾佢聞有幾臭 男友表示：「今日鼻塞聞唔到喎」 然後，我嬲到痴線，佢笑到痴線 成日中臭屁嘅女友 2019-03-04
投稿觀賞區 21265. 我搶咗男朋友杯雪糕黎食，食食下我舀翻啖俾佢，然後滴到佢隻手。佢鬧我：「舀好啲啦仆街！」我望住佢問：「洗唔洗鬧埋我做食屎狗啊？」 佢：「唔洗，因為我想你連屎都無得食！」 屎都無得食嘅女朋友 2019-03-04
投稿觀賞區 21264. 是咁的，今日同女友行街咁岩入左去有賣漫畫既地方。然後見到有百變小櫻既漫畫我就同佢講。我：唔明點解有人中意小狼。女朋友：係囉，又唔靚仔。然後我補左句：不過小櫻真係好靚女小學既夢中情人女朋友講左句食屎啦你 男朋友 2019-03-04
投稿觀賞區 21263. 平時因為機型唔同，有啲我send俾佢嘅顏文字會唔同左樣同埋擠壓埋一齊 今日我講到興起又好好心情咁send左個自己覺得好可愛嘅俾佢，佢剩係覆左單字一個「醜」，再cap佢睇到嘅嘢俾我，發現冇變過一樣樣嘅喂 玻璃心iPhone用家 2019-03-04
投稿觀賞區 21262. 因為有啲壓力所以搞到塊面一直爆瘡 有日我同男朋友 講：「你塊臉滑嘟嘟我好鐘意錫你塊面！」佢望住我啲暗瘡話：「所以我咪咁鐘意錫你個咀囉：）」 跟住我嬲左佢 爆曬瘡既周秀娜 2019-03-04
投稿觀賞區 21261. 我同女友一齊去交收d好重嘅野。女友： 原本我仲諗住拎埋個買餸車等你拎得冇咁辛苦,但因為拖住太樣衰,所以最後決定唔拎 我答佢: 有乜所謂喎,我平時都拖住妳啦 然後佢笑到嬲唔落 請自由取名。 2019-03-04
