投稿觀賞區 31363. 平安夜慶祝完之後，男朋友送到我返屋企已經凌晨3:30，返到屋企之後我同佢講多謝你咁夜都送我返去，佢話梗係要送啦，夜麻麻比豺狼擔咗去點算，我心諗識得擔心我咁Sweet,然後佢補多句,夠豺狼食幾日⋯ 豬女 2022-12-25
投稿觀賞區 31362. 平安夜，我自己約左朋友食飯， 返到屋企男朋友話佢頭先流鼻血， 我問佢：「做咩你唔等我返黎幫你止血，我有牌架（急救牌）！」 佢答：「等得你返黎，就真係有排…」 然後…我嬲左 我有牌 2022-12-25
投稿觀賞區 31358. 係天氣最凍個日出街，大家互Show自己著幾多件衫。 男友：我著咗咁多咁多（係到數有幾多） 我：我著咗咁多咋（仲要揭起露埋肚） 男友：得架啦，收返埋啦，知你著得少，你脂肪多啲保暖嘛，我無咁多所以怕凍。 米之蓮 2022-12-23
投稿觀賞區 31356. 冬至 男朋友話上黎office和我食冬lunch 滿心歡喜，就一早出去買定食物返辦公室。到了差唔多時間，因為開始肚餓，又未見佢打黎，開始心急，就打比佢。因為佢一路忙緊，所以無打黎，我就嬲咗佢 XD 天字號第一港女 2022-12-23
投稿觀賞區 31355. 睇《想見你》電影預告，問男友回到過去遇到我是咪都會愛上我，佢話應該唔會因為佢拍緊拖⋯第一反應覺得專一幾好，突然醒起未一齊時佢講過好愛個ex放唔低，我嬲到投稿^_^ 想見你女友 2022-12-23
投稿觀賞區 31354. 有日傾傾下突然間講到我生日 我問佢我幾時生日 佢話佢記得我個星座 點知佢答咗另一個日子 提埋佢俾晒機會佢 2次都答唔到 我問佢邊個嚟 點知佢話係另一個女仔既… 寧願你答我唔記得既女友 2022-12-23
投稿觀賞區 31353. 親熱嘅時候，男友知道我未試過走後門，佢想做第一個破門入屋嘅男人。我唔肯，佢不斷落嘴頭氹我，講講下佢話：你成三十歲人，都未試過走後門，試下啦…跟著，我嬲左佢。食自己啦你！ 年年十八歲女友 2022-12-22
投稿觀賞區 31352. 女友坐我大髀，唔係好穩扶左下先坐到。佢問：「係咪我太重？」我話：「唔係，我無力啫。」佢話：「你咁滴水不漏我發唔到爛渣喎！」然後，佢因為搵唔到位嬲我而嬲咗。 鳳凰不死鳥 2022-12-22
