投稿觀賞區 31413. 同男朋友第一次去左8日旅行，一直都好sweet無鬧交，去到最尾一日，我問: d人話一齊去旅行係友情愛情嘅考驗，咁我地係唔係通過左個考驗？佢答:緊係啦，對我黎講日日都係考驗。我:嬲左 E小姐 2023-01-11
投稿觀賞區 31412. 話說公司買咗部按摩機成萬蚊，我男朋友講笑叫我搬番屋企坐，我話成54KG，佢就好驚訝咁話「嘩⋯你真係重咗」，我已經嬲嬲地覆佢話「係部按摩椅」。點知佢話如果你之後重過54KG，我咪可以話你重過部按摩椅？ 我男朋友係傷膝青年 2023-01-10
投稿觀賞區 31411. 話說幢樓水泵壞左，夜晚嘈住哂訓覺咁男朋友就買左個耳塞黎訓 我：「管理員話整返好喇今日，你可以唔洗再帶耳塞」點知佢話：「噪音唔止得一種喇」然後，我嬲左佢 小白 2023-01-10
投稿觀賞區 31410. 同班朋友玩狼人殺，我盡力玩個遊戲，做好殺手既角色，講大話瞞騙所有人同女朋友。最後我贏左，但女朋友就勁唔開心，佢冇欣賞我之餘，仲話估唔到我咁識呃人。仲話我下星期行山肯定係呃佢話同同事行，其實同大波妹行山 狼人殺 2023-01-10
投稿觀賞區 31409. 同一大班朋友玩狼人殺，我盡力玩個遊戲，做好殺手既角色，講大話瞞騙所有人（包括女朋友）。最後我贏左，但女朋友就勁唔開心，佢冇欣賞我之餘，仲話佢冇欣賞我 無奈的男人 2023-01-10
投稿觀賞區 31408. 我星期日頹頹地唔想化妝，男友：我地去食茶餐廳！比我踢完呢場波先！我趁佢踢波有時間就化左個妝，化完佢岩岩好踢曬 望左我兩眼，我地去食cafe 好冇 zhanzhan 2023-01-10
投稿觀賞區 31406. 同男朋友傾緊新年送日本水果禮盒俾佢屋企人好唔好，佢覺得其實日本水果貴得黎都唔係最好食的，然後我話有樣野我覺得真係日本最好，佢諗左諗：「女優？」，其實我想講牛奶…🙂 … 2023-01-10
投稿觀賞區 31402. 我：你依家冇以前咁想見我！ 男朋友：你知晒我時間表，你要見我你知道我幾時得閒㗎。 我：咁即係我想見你你先抽時間啦，而唔係你想見我囉…然後我嬲到唔想再見佢 要逼男朋友抽時間見嘅女朋友 2023-01-09
