投稿觀賞區 22100. 我係女朋友投稿 ，男友好喜歡食野⋯有一日，摸住佢個肚問你覺得我緊要啲定食野緊要d!男朋友：⋯⋯(遲疑左3秒奸樣)緊係你.. 我：（拍佢個肚一下 ）咁都要諗下一句好快就答男朋友：野食（開心樣）然後我嬲左 大衛掛住食 2019-04-06
投稿觀賞區 22099. 有一日，我女友好冧咁問我:「如果我係車，咁你係咩呀?」我諗都唔諗就答:「老漢！！」 佢即刻話:「係gps呀，因為要跟住你走呀！搞到cheap 晒！」之後佢嬲左我… 老漢gps 2019-04-06
投稿觀賞區 22098. 同女朋友搭地鐵，見到個好得意嘅BB坐喺BB車度，咁我地兩個就同個BB揮手撩佢玩。點知個BB剩係理我女朋友，對住佢：「yyyyeah!」女朋友：「人地剩係理我咋」我：「人地叫你姨姨咋」然後，佢嬲咗我 女朋友係姨姨 2019-04-06
投稿觀賞區 22097. 有日放學我同女友返屋企 佢突然同我講 女友：「唔知點解我近日好容易比人嚇親 」我：「可能你壓力大」 女友：「咁你容唔容易比人嚇親」 我：「唔容易吖 因為見得你多」 之後佢嬲左我 Kibi ho 2019-04-06
投稿觀賞區 22095. 今日放假一齊行街，男友聞說女孩子都愛收花，於是買支送俾女友。有咩留返拜山先講 我：「今日咩日子咁好嘅！」 男友：「清明節呀！」 然後，我靜靜地嬲咗佢 有咩留返拜山先講 2019-04-06
投稿觀賞區 22093. 去GU買嘢留咗件衫放cashier，排到我嗰陣staff問我留咗咩，我話係條黑色one piece，但佢搵唔到，之後男友大聲講咗句：XL嗰條就係，之後我嬲咗佢 多肉少女 2019-04-05
投稿觀賞區 22092. 同女朋友行行下街 佢突然指住隔黎個女仔問：「佢靚唔靚呀？」機智的我即刻秒答：「唔靚。」佢：「你覺得佢唔靚只係因為你唔鍾意佢姐，咁遲啲你都覺得我唔靚架啦！」然後，佢嬲左。 機智的我 2019-04-05
投稿觀賞區 22090. 同女友去買6合彩，我行入去個陣仲問女友，唔知會唔會比人查身份證呢？點知個保安真係行過黎，但係咁望住我們之後話睇錯，然後走左。之後返屋企個程路 ，女友係咁問我佢似幾多歲 。我答18歲佢話我呃人，然後嬲左 Ason 2019-04-05
