投稿觀賞區 22352. 男友係coser，近排見男友cos女角，佢話係同fd cos動漫情侶 起初以為另一個coser係男人。直到某日我碌ig睇到佢地cosplay啲相，㩒入去睇發現cos男角嘅係靚女黎。然後我又嬲又無奈。 支持cosplay嘅女友 2019-04-16
投稿觀賞區 22347. 發現女朋友係ig開左個有5個男人包括我group，入面有張佢露點嘅相…… 我諗諗下應該係佢影完，send比好多個，唔小心開咗group。佢自己失手仲惱羞成怒發我脾氣 帽事啊 2019-04-16
投稿觀賞區 22344. 同男朋友討論染髮嘅問題，男朋友考慮緊染衰咗個頭就剷光佢，然後男朋友突然問左一句：「你寧願男朋友要光頭定係矮？」我答：「矮」，之後我再補多句，「所以我揀咗你。」 然後，男朋友就嬲咗。 睇落好似同男朋友差唔多高的女子 2019-04-15
投稿觀賞區 22342. ex當年話同我去台灣旅行 一直拖 問佢firm日子仲鬧我話我唔體諒佢要儲錢 點知鬧完我嘅第二日 我朋友打俾我 同我講 ex同個前曖昧對象去緊機場日本 再嬲返我話係我問日子 佢有壓力 想去台灣的前女友 2019-04-15
投稿觀賞區 22341. 我：「食咩呀？」男友：「你諗啦。」我：「茶記？」男友：「前兩日咪食左囉⋯」我：「⋯咁打邊爐？」男友：「熱氣唔食。」我：「⋯⋯⋯咁你話食咩好」男友：「都話你諗！是但揀啦！」我：🤷🏻♀️ 然後佢燥左揀返茶記 女友：有個港女前男友 2019-04-15
