投稿觀賞區 31355. 睇《想見你》電影預告,問男友回到過去遇到我是咪都會愛上我,佢話應該唔會因為佢拍緊拖⋯第一反應覺得專一幾好,突然醒起未一齊時佢講過好愛個ex放唔低,我嬲到投稿^_^ 想見你女友 2022-12-23
投稿觀賞區 31354. 有日傾傾下突然間講到我生日 我問佢我幾時生日 佢話佢記得我個星座 點知佢答咗另一個日子 提埋佢俾晒機會佢 2次都答唔到 我問佢邊個嚟 點知佢話係另一個女仔既… 寧願你答我唔記得既女友 2022-12-23
投稿觀賞區 31353. 親熱嘅時候,男友知道我未試過走後門,佢想做第一個破門入屋嘅男人。我唔肯,佢不斷落嘴頭氹我,講講下佢話:你成三十歲人,都未試過走後門,試下啦…跟著,我嬲左佢。食自己啦你! 年年十八歲女友 2022-12-22
投稿觀賞區 31352. 女友坐我大髀,唔係好穩扶左下先坐到。佢問:「係咪我太重?」我話:「唔係,我無力啫。」佢話:「你咁滴水不漏我發唔到爛渣喎!」然後,佢因為搵唔到位嬲我而嬲咗。 鳳凰不死鳥 2022-12-22
投稿觀賞區 31351. 話說我女朋友係空姐。咁開反關自己去下日本先,回程就跟佢反工嫁機回港。一齊走果陣。 我:「原來五個鐘機啲空姐做足四個半鐘。」 佢:「係嫁好辛苦嫁。」靜左幾秒,佢望住我話:「即係你望足人地四個半鐘啦。」 小V 2022-12-22
投稿觀賞區 31349. 咁岩講起啲野,我話老婆佢係黑魔后,係邪惡既化身 老婆問:「係咪黑色果隻?」 我心裡奇怪,問返佢:「唔係紫色咩?」 「邊隻紫色」 「紫色有條尾果個」 . . . . . 後續既事就無謂提了。 艾力克 2022-12-21
投稿觀賞區 31347. 我一向都唔中意做運動 但我老公成日拉我一齊做gym 平時好用心機扮靚佢都無咩反應 結果有日做gym拉背 佢好開心 好大聲咁:GOOD!!呢個動作好靚!!!! 我內心:黑人問號? 內心崩潰既女友 2022-12-21