投稿觀賞區 23216. 今晚去剪頭髮，問女朋友剪咩髮型好 女友：「同髮型師講，我要剪個全部女朋友都會鍾意嘅髮型！」 我：「好！就咁話啦！」 女友：「乜你好多個女朋友㗎咩？」 然後，佢嬲左我 腎仔 2019-05-22
投稿觀賞區 23214. 我：「你朋友個女朋友話第一次見我果陣覺得我好令女」男朋友：「都吾知佢咩taste竟然讚你令女」我：「咁要問你啦」男朋友：「我都想知我係咩taste」 然後，我嬲左佢 堡堡的寶寶 2019-05-22
投稿觀賞區 23211. 女朋友話我粒蛋好得意，想摸下佢。我話淨係摸，唔准攻擊佢。點知佢突襲我，一野彈9我粒丸！我痛到仆街，帶着憤怒嗌咗一聲，即時背住佢訓。佢即刻tum我，問我做咩甘惡，然後反嬲左我（tum左唔夠十秒）。 男人最痛 2019-05-22
投稿觀賞區 23210. 個日行行下街 見到間餐廳名係我生日月份同日子 我問男朋友：個名好特別喎 佢以為我話用數字做名好特別 之後暗示幾分鐘 佢先get到：呀！係你生日！ 期望太高的女朋友 2019-05-22
投稿觀賞區 23207. 我老公送左隻錶比我，我問: 「做咩咁中意送錶比我？比個sweet d 既答案 。」佢：「因為想你記住我地每分每秒。」我：「 試下比個賤d既答案。」佢：「你個仆街成撚日遲到。」 龜公個老婆 2019-05-22
投稿觀賞區 23206. 睇緊網購啲衫，諗住叫男友俾下意見 我：「呢件點啊？」 男友：「有冇下張？」 我以為佢幫我揀埋咩色靚啲個時 佢話：「條女幾正喎，有冇樣睇？」 然後，我嬲到出唔到聲 想買衫女友 2019-05-22
