投稿觀賞區 23441. 今日扎左兩條低嘅三手辮，放工同男朋友去食飯 男朋友：你要唔要睇下兒童餐，反正你今日鬢左兩條辮咁cute 我：我扎鬢辮好唔好睇？ 男朋友：好睇啊，cute cute地，成個小甜甜咁 然後我嬲左佢 廿幾歲人仲扎孖辮 2019-06-03
投稿觀賞區 23440. 係ig見到隻柴柴 同男朋友講好可愛😍 佢：你可愛啲。我：咁你想攬住我定柴柴？佢：你。我：咁想同我訓定同柴柴訓？佢：你。我：想養我定養柴柴？佢：柴柴！然後我笑住咁嬲佢 醒目男朋友 2019-06-03
投稿觀賞區 23438. 岩岩問起男友點解當初要靠朋友問我攞電話號碼溝我，佢話怕醜，我唔信。我再問佢先講「我個friend話你溝得過阿嘛」我：「即係你唔係發自內心甘中意我啦？」然後，我嬲到無聲出 豬女友 2019-06-03
投稿觀賞區 23437. 我男朋友話套漫畫個男女主角好似我地叫我睇。於是我睇完發現原來個男主角仲掛住佢個初戀女友。我男朋友見我睇完仲問我：「係咪好似我地？」然後，我嬲到成晚無理佢。 敵不過初戀 2019-06-03
投稿觀賞區 23435. 同男朋友傾緊黎緊去旅行嘅洗費，我話去旅行除左去outlet會洗好多錢之外，食嘢方面都唔會洗得幾多錢，我食嘢又唔多。跟住男朋友勁大聲：妖收聲啦你，呢句好難聽啊。我無嬲但唔明佢做咩咁激動。 細食女友 2019-06-03
投稿觀賞區 23434. 同男朋友講緊電話個陣買珍珠奶茶… 奶茶舖老闆：$15得啦，學生嘛 我：唔係學生好耐喇 奶茶舖老闆：哦，咁$17 la 男友：嘩！佢咁既大話都講得出，比我就一定講唔出喇！ 我：邊有人講大話要自己收少 玻璃心女友 2019-06-03
投稿觀賞區 23433. 男友新置咗一隻BB高達，翻到屋企 佢勁認真專業地為心愛的Bb高達擺姿勢影相 我:影我又唔見你咁認真！？ 佢答我 人地要擺姿勢先可以凸顯美 妳點影都係一個L樣嘅啦！ 歡迎加入人質俱樂部 2019-06-03
