投稿觀賞區 31567. 同女朋友冷戰,大家成晚唔講野。訓教諗住氹番佢就主動幫佢按摩「衰人,衰人,喂衰人..」邊按邊叫佢但唔肯應我，直到佢開口「你做咩係咁叫自己個名呀!衰人!」「d Pokémon都係咁嫁啦」然後,大家噴笑左 阿衰阿衰 2023-02-28
投稿觀賞區 31566. 有次小弟同阿媽鬧交，嘈到拍晒枱咁，阿媽就喺度鬧：你態度做咩咁差，都唔知呢啲語氣跟邊個學嘅。跟住呢個時候老竇笑住咁搭嗲：係囉，呢啲咪態度似足你老母，我以前成日俾你老母鬧到仆街。我阿媽聽到之後，嬲到仆街 小薯 2023-02-28
投稿觀賞區 31565. 發夢夢見男朋友出軌，嬲到即刻起身打俾佢同佢講好想打佢，男朋友話出軌嗰個係夢男朋友，我係真男朋友，你應該瞓返覺去搵夢男朋友打佢，我覺得好好笑但係都係好嬲 夢 2023-02-28
投稿觀賞區 31564. 有日我問男朋友聽晚食咩？佢話唔知，我就去搵下有咩餐廳啦，之後佢突然講不如我地食cafe de carol? 我話下，咩黎？佢話大家樂，咩都有，有中有西又有邊爐。我呆左 Haliey 2023-02-28
投稿觀賞區 31563. 同男友講起Harry potter , 我問佢：你覺得我係邊個學院呀？佢話：分類帽得4個選擇太少la 我問：有冇似邊個學院畢業特質？ 佢答：你唔係霍格華茲學生 ，你似催狂魔*（笑笑） 我：🌚🌚🌚 完熟麻瓜 2023-02-28
投稿觀賞區 31557. 老婆成日投訴我唔會自動自覺做家務。一日我入左廚房煮飯，之前同佢講左一個鐘後食。我煮好哂拎哂d送出去，佢話我做乜唔早d叫佢執枱開飯。我話我一個鐘之前同你講左一個鐘之後食，點解你唔自動自覺。然後佢嬲左我。 道理L 2023-02-26
投稿觀賞區 31556. 有日同有好感既女生行緊街，突然天落起毛毛雨，由於我地2個都無遮，所以我就講左句，我地兩個係雨中漫步都幾浪漫，但見雨勢好似愈來愈大，但講完之後我就係講完上一句之後，就接著笠左頂帽比自己，然後佢嬲左我。 無名氏 2023-02-26
