投稿觀賞區 31579. 有日我同老公喺屋企睇韓劇，睇到車銀優同女主角講，話樣唔係一切，佢唔鍾意靚嘅女仔。下一秒我老公話，我都唔鍾意靚嘅女仔。然後我嬲咗佢。（套劇係我的ID是江南美人😂😂） 唔靚嘅老婆 2023-03-05
投稿觀賞區 31577. 本身我女朋友細過我，尋日第一日唔洗戴口罩，女朋友陪我入馬會，門口看更叔叔就截停我哋：唔該check check身份證。女友諗住攞銀包出嚟嗰下叔叔即刻截住佢話：小姐你唔洗。我笑到仆街，之後佢就冇再笑過了 綠合彩 2023-03-04
投稿觀賞區 31575. 我女朋友今日睇咗愛是永恆嗰個post 就懶叻咁問我 有着我便有着你 真愛是永不死 然後佢問我係咩歌 我答愛是永恆 佢話錯 係勁歌金曲 我好俾面咁笑咗 然後佢發現我一早已經like左個post 然後佢嬲 Coco Shum 2023-03-03
投稿觀賞區 31573. 同女朋友話角色扮演，我做老闆，佢做秘書。我: 我老婆去左英國，今晚屋企無人，不如上黎玩。女朋友: 如果玩到好攰，聽日可唔可以放一日AL?我: 放no pay leave 啦 楊總 2023-03-02
投稿觀賞區 31572. 投左好幾次稿小編都冇用到，同老公呻 我：「點解死都唔肯用我篇稿？」老公：「可能講下你啲柒嘅事跡就會上到稿呢。」然後，我嬲左佢同埋admin Julia Roberts 2023-02-28
投稿觀賞區 31570. 男朋友突然比句歌詞我估，話估錯咗就唔準再嬲。雖然明知佢玩嘢但唔知佢想點 佢比咗「有着我便有着你 真愛是永不死」 我話係張學友嘅愛是永恆 佢話係古巨基嘅勁歌金曲 然後 我由唔嬲變到嬲 張學友 2023-02-28
投稿觀賞區 31569. 男朋友突然比句歌詞我估，話估錯咗就唔準再嬲。雖然明知佢玩嘢但唔知佢想點 佢比咗「有着我便有着你 真愛是永不死」 我話係張學友嘅愛是永恆 佢話係古巨基嘅勁曲金曲 然後 我由唔嬲變到嬲 張學友 2023-02-28
