投稿觀賞區 31662. 男朋友 尋晚發開口夢 男朋友：「你係咪唔識？」 我話：「咩事啊你？你係咪發開口夢？」 男朋友突然好清醒咁問：「咁你係咪唔識呀？」「唔想同你講，有咩聽朝講。」 然後，我嬲到走出廳訓。 氣上心頭的女友 2023-04-05
投稿觀賞區 31660. 條女玩玩下手機突然停左，含情脈脈咁望住我話：「Baby，我係你伴侶，所以係陪”伴”你一生嘅人」聽到呢句，我都眼濕濕咁同佢講：「你係就係我胖侶，不過唔係陪伴個伴」佢聽完過咗十秒先識嬲 健身教練條仔 2023-04-04
投稿觀賞區 31658. 想請假平日睇海公大河原展，女朋友係都要一齊去 我：「咁我自己去睇完展，睇完再一齊行？」 女；「點解要分開呀！？」 我：「但你見親我影機器人，你就嫌悶想走…」 然後佢嬲咗我。 Rx78 2023-04-01
投稿觀賞區 31657. 電視講緊光年，女：光年係點會係距離單位啊？我：點會唔會啊？光行一年喎？女：咩光行一年啊。姐係行左幾耐？我：一年啊，光行一年啊。女：咩光行一年啊。姐係行左幾耐姐？我：一年啊。 然後佢以為我hea佢，嬲左 物理仔 2023-03-30
投稿觀賞區 31654. 上網睇人介紹Rosewood Bluhouse 我:「不如我哋Book嚟食下。」 男友:「好呀，幾時。」 我:「7月啦，慶祝我哋1.5週年。」 男友:「吓… 咁你都諗到。」 然後，佢以後屎都冇得食 女友: 以後屎都冇得你食 2023-03-29
投稿觀賞區 31652. 行無印見到啲細路仔假人公仔有肚腩仔好搞笑，男朋友話啲細路個肚腩愈大個人就會扯得愈高，我唔信佢：「我細個個肚腩夠大啦，又唔見我生得高。」佢：「因為你個肚腩仲喺度：）」 無肚腩嘅靚女 2023-03-28
