投稿觀賞區 24620. 事源同女朋友打牌，我上手三隻七索，佢又做索子，我碰埋最後一隻七索，講咗句「你得架，等吓最後一隻」，然後開牌俾佢發現咗，佢嬲到第二日自己出去發夢唔同我一齊。 光復七索 2019-10-21
投稿觀賞區 24618. 今日放學男朋友行街，個袋好重成個mac。男朋友話: 「咁重我幫你拎啦！」但太重我唔想佢拎就同佢講:「唔啦好重，你拎住我咪得！」點知佢喺我後面細細聲講：「下，拎你咁重，個袋輕好多…」然後，我衝走咗。 哭笑不得嘅女朋友 2019-10-21
投稿觀賞區 24616. 有日去食嘢，男朋友入到間野同我講：「出面個嗰女仔鐘意過我。」我問佢：「你唔鐘意宜種類型咩？」佢諗好答我：「佢有大陸口音我唔鐘意，我覺得佢唔夠你⋯」然後我黑哂面。 香煎豬扒 2019-10-21
投稿觀賞區 24613. 老豆平時和理非 有時會帶埋老母, 琴日咁岩有狗喺佢哋附近前邊又有水炮車, 兩老聽到啲人叫跑, 老竇淡定咁講左句「唔使跑，等年輕人走咗先，我哋唔會有事」老母好乖咁慢行 下一秒佢見到老竇跑緊 然後佢嬲左 覺得兩老好可愛嘅孝女 2019-10-21
投稿觀賞區 24610. 今晚我同我男朋友玩玩下，突然間收到一個電話，佢係我講緊電話嘅時候咬咗我大脾一下，因為好痛，所以我自然反應打咗佢一巴，佢受到2,百萬點暴擊 不小心鍊成鐵砂掌的女孩 2019-10-21
