投稿觀賞區 24644. 同男朋友傾電話 佢：「我下星期幫人拍求婚片。」 我：「幾時結婚呀？」 佢靜咗幾秒，然後勁大反應咁問：「邊個結婚？我冇呢個打算！」 我：「我問你個客呀！」 佢大笑咁答：「嚇死我，以為你問我地幾時結婚！」 憤怒的大姑奶 2019-10-25
投稿觀賞區 24643. 我有個好朋友身材好 睇到佢啲相都會同男朋友講 有一日行街 我就問我男朋友點解我著低胸少少既衫你好似都吾介意 佢話都唔係呀 之後我話我好朋友著低胸衫佢男朋友好介意嫁 之後佢即刻話人地大波嘛！我即刻嬲左佢 小波點 （個名都係佢幫我改😤😤） 2019-10-24
投稿觀賞區 24640. 最近男朋友睇左陳健波同譚文豪係立法會上「我收回」段片，男朋友就有樣學樣講「你係大屎忽，我收回」「你係死肥婆，我收回」「你係飛機場，我收回」每次佢講完個樣仲要好得戚🤓 我唯有學陳健波好淡定繼續飲水 被收回的冇波女友 2019-10-24
投稿觀賞區 24639. 我send左一張舊同學嘅相去朋友gp到，一齊討論下佢係咪有左。其他朋友都好正常答有or無，但我老公就答「你大啲」。然後我嬲到想掉曬佢啲模型落街！ 丞相肚裏能撐船 2019-10-24
投稿觀賞區 24637. 一齊左七個月..平時對我好好..有一日我心血來潮突然問佢一個我覺得佢一定會答岩既問題就係我幾時生日！點知佢竟然答錯！答第二次先岩！之後我再乘勢出擊再問我地幾時一齊！再答錯！我嬲撚到痴線！ 嬲到喊 2019-10-24
投稿觀賞區 24633. 有個網友po 左張圖出嚟，係個男人騎住架車牌係「MYGF 32A」嘅電單車。之後我同男朋友講，佢就話「大A同細B差唔多啦，就即係8蚊美金同1蚊港紙」之後我嬲到痴線 1蚊美金 vs 8蚊港紙 2019-10-23
