投稿觀賞區 24896. 屋企有四隻貓，女朋友每次黎同佢地玩d貓都會好開心咁咕嚕咕嚕。有一晚去完街陪女朋友等車佢攬住我，係我耳邊咕，我好自然摸下佢個頭講左句「傻小豬」，然後佢話「我係扮緊你d貓囉！唔係豬呀！」 貓奴 2019-12-08
投稿觀賞區 24895. 女朋友：你一定會覺得好得意咖 男朋友：有無你咁得意先？ 女朋友：咁梗係無啦！ 男朋友：咁即係唔得意啦！ 女朋友：如果佢無我咁得意就唔得意，即係你話我都唔得意啦？-/ 然後，佢嬲左 波波 2019-12-08
投稿觀賞區 24892. 今日同男朋友講我有食藥唔可以捐血， 佢話你之後冇食藥都唔好去捐血呀。 我以為佢擔心我血壓一向偏低會暈,佢再講：一陣傳染左公主病比人就大鑊啦。 然後我嬲到病發 公主Peach 2019-12-07
投稿觀賞區 24890. 今日天氣好凍，返到屋企我攬下女友，我用鼻掂下佢個臉豬登，大家都被靜電到啪一聲，然後佢嬲左我，再一手推開我。然後佢隻手一野電落我粒Lin度好痛，然後佢再嬲左我。 觸電男女 2019-12-06
投稿觀賞區 24889. 凖備送女朋友返屋企 佢話唔駛送喇呢度近啲我屋企方便我返屋企又唔駛轉車咁麻煩 咁聽完佢咁講就讚佢體貼諗住送到佢去地鐵站先走 點知去到地鐵站佢講左句下 你真係唔送我 跟住就嬲左我 我道行未夠班 2019-12-06
投稿觀賞區 24886. 女朋友睇完十萬個激嬲女友的理由，見到有個同佢好似既故事，以為我post左佢既野上去。女友：「你寫架？你想死？我打死你呀! 一模一樣。」 然後，佢嬲左我。 硬漢子 2019-12-06
