投稿觀賞區 31582. 某日,我話想食壽司郎,但要等200幾張飛真係太多人食唔到,所以男朋友帶咗我去食另一間壽司店並承諾會帶俾我壽司郎嘅體驗。所以每當食物到,佢就會:「den凳燈den登!請取下已送達嘅餐點」講咗十幾次!每次 女朋友 2023-03-05
投稿觀賞區 31579. 有日我同老公喺屋企睇韓劇,睇到車銀優同女主角講,話樣唔係一切,佢唔鍾意靚嘅女仔。下一秒我老公話,我都唔鍾意靚嘅女仔。然後我嬲咗佢。(套劇係我的ID是江南美人😂😂) 唔靚嘅老婆 2023-03-05
投稿觀賞區 31577. 本身我女朋友細過我,尋日第一日唔洗戴口罩,女朋友陪我入馬會,門口看更叔叔就截停我哋:唔該check check身份證。女友諗住攞銀包出嚟嗰下叔叔即刻截住佢話:小姐你唔洗。我笑到仆街,之後佢就冇再笑過了 綠合彩 2023-03-04
投稿觀賞區 31575. 我女朋友今日睇咗愛是永恆嗰個post 就懶叻咁問我 有着我便有着你 真愛是永不死 然後佢問我係咩歌 我答愛是永恆 佢話錯 係勁歌金曲 我好俾面咁笑咗 然後佢發現我一早已經like左個post 然後佢嬲 Coco Shum 2023-03-03
投稿觀賞區 31573. 同女朋友話角色扮演,我做老闆,佢做秘書。我: 我老婆去左英國,今晚屋企無人,不如上黎玩。女朋友: 如果玩到好攰,聽日可唔可以放一日AL?我: 放no pay leave 啦 楊總 2023-03-02
投稿觀賞區 31572. 投左好幾次稿小編都冇用到,同老公呻 我:「點解死都唔肯用我篇稿?」老公:「可能講下你啲柒嘅事跡就會上到稿呢。」然後,我嬲左佢同埋admin Julia Roberts 2023-02-28