投稿觀賞區 25207. 事緣佢去咗面試，面試完，食晏個時同我講起入邊啲人，我即刻口快快彈左一句：去得呢啲嘅都唔乖得去邊架啦！跟住 佢大大力拍左張枱一下。嬲左。 有個好唔乖嘅女朋友 2020-01-18
投稿觀賞區 25206. 今日Eminem突發出新碟, 我興奮到講左成日。女朋友聽到頂唔順問我：Eminem定Emily(佢個名) 我口快快答左Eminem, 然後佢嬲到仆街 爹親娘親不及Eminem親 2020-01-18
投稿觀賞區 25203. 同女朋友個friend一齊出去食飯 食食下飯佢個friend突然間唱咗佢還記得櫻花正開 跟住我望住佢個friend接錯咗句 還未懂跟你做愛 跟住佢嬲咗 Henry 2020-01-17
投稿觀賞區 25199. 啱啱行街見到大大個迪麗迪巴廣告，忍唔住同男朋友講：「迪麗熱巴真係好靚呀！」佢話：「你係迪麗九巴，城巴、新巴都得架！」我嬲到出唔到聲。跟住佢送我搭巴士，臨上車前佢話：「拜拜九巴！」我嬲到即刻投稿 巴士代言人 2020-01-16
投稿觀賞區 25198. 女朋友問我：｢我係你邊個？｣我：｢你係我個傻豬｣ 佢：｢即係你唔當我係人啦！｣ 我：｢我要投稿俾Facebook個page｣ 佢：｢好呀，你試下！｣ 然後，佢嬲左 只能說我輸了 2020-01-16
投稿觀賞區 25197. 喺街度聽到有兩個男人路過傾計，其中一個話：「老婆唔需要靚架..」我聽唔到下一句，就問我老公估佢地講乜。我：「老婆唔需要靚，不過最好就靚。」佢：「老婆唔需要靚，靚嘅可以喺出面搵。」然後，我嬲左佢。 一齊贏唔好咩 2020-01-16
