投稿觀賞區 25891. 我: 嘩你睇下個女仔矮過個男仔但隻腳一樣長架(心心眼) 男朋友覺得我大驚小怪: 車 𡃁妹十個有八個都係咁架啦 我: 下，我𡃁妹個時都無咁 男朋友: 所以我咪話”八個”囉 然後，我嬲左佢一秒 小矮人 2020-04-15
投稿觀賞區 25890. 女友同我講佢有個朋友個ex識左新歡，比張合照我睇之後話佢朋友靚好多唔明點解個ex會揀個唔靚既。我話「有啲男人係咁㗎，食慣好野會想試下肥野」女友即刻話「吓咁你會唔會都想食肥野」我話「乜你係好野咩」佢嬲左 吉米 2020-04-15
投稿觀賞區 25889. 陪客人同佢太太收樓，太太入到主人房見到好曬，於是佢問我呢度向邊咁難頂，我：「西面」，佢老公吟吟沉沉話：「依家你都知道西面難頂呢」然後就成為左當日我聽到佢地講既最後一句說話。 東方祈福 2020-04-15
投稿觀賞區 25887. 話說有日同女朋友準備親熱時講開晴天pig pig但佢唔知咩嚟，咁我就搵畀佢睇啦，喺佢啱啱開始BJ時google咗啲圖畀佢睇，咁啱張圖有主題曲，我就好順手播埋，跟住佢就嬲咗，嗰晚好平靜咁過咗 晴天pig pig 2020-04-15
投稿觀賞區 25886. 呢個係我上次投嘅稿嘅續集。話說我打電話諗住氹返我男朋友，同佢講生日快樂，佢就話:「講來都冇用，唔好講啦！」咁我咪唔講生日囉，點知佢又問我做乜唔唱生日歌比佢聽？！ 其實我同佢同一日生日，但佢掛住嬲唔記得咗 2020-04-15
投稿觀賞區 25885. 呢個係激嬲男朋友嘅故事，話說我男朋友話:「我嘅生日洗乜慶祝呀，生日只係又向死亡邁進咗一步咋嘛！」但佢又嬲我冇準時12點同佢講生日快樂同冇重視佢生日！究竟佢同啲講我冇嬲嘅女朋友有咩分別？！ 其實我同佢同一日生日，但佢掛住嬲唔記得咗 2020-04-15
