投稿觀賞區 26324. 是咁的，同女朋友坐巴士車頭，咁啱有太陽照住佢，佢問：「見唔見到呀？係女神光呀！」我冇應佢，然後默默拎開膝上嘅背囊，擘大對腳，問佢知唔知係咩嚟，佢話唔知。我話：「金光棒。」然後佢笑到癲咗。 孫悟空 2020-06-19
投稿觀賞區 26321. 本身已經講錯嘢搞到女友係到講晦氣說話，女友：「反正我就係唔夠瘦，唔夠高，腿唔夠長㗎啦。」跟住我唔知係咪撞左邪咁補左句：「仲有唔夠大波喔」跟住佢嬲到喊 我係抵死嘅 2020-06-19
投稿觀賞區 26314. 男友屋企少開冷氣，風扇又細又唔涼，我上親去都會好忟咁呻好熱，有日佢話要約我出黎想比驚喜我。我期待左一陣，之後傾傾下佢自爆咗驚喜係一齊去買風扇（擺自己屋企）。然後，我無言到搵唔到理由嬲。 諗多咗既雪地動物 2020-06-18
