投稿觀賞區 32005. 是咁的，事源同女朋友一齊之前佢就model 身材，宜家一齊左之後就幸福地肥左5kg。今日女朋友叫我幫手搵一件oversize t shirt 出街，我口快快笑住咁答：已經冇oversize 呢回事啦。 DC 2023-09-03
投稿觀賞區 32004. 見到季節限定嘅蛋糕想買嚟食 男友: 唔係話減肥咩 我: 減肥有得遲，季節限定邊有得遲…識唔識分輕重架？ 男友: 你咪重囉 然後，我嬲咗佢🤡 重過蛋糕少少咁 2023-09-03
投稿觀賞區 32003. 去食泰國船麵 有 牛 同 豬 我：兩碗船麵 一個牛一個豬 一個要金邊粉 一個要粉絲 老闆娘：邊個係牛 邊個係豬 我諗咗半秒 女朋友：我係豬 我 笑咗 之後女朋友嬲咗 點解我唔認咗係豬先 一頭蠻牛 2023-09-03
投稿觀賞區 32000. 睇番舊對話紀錄，男友係未一齊果陣講過佢自己好鍾意蘿莉，我自問唔蘿，所以問佢：「你咁鍾意蘿莉，咁你點解鍾意我？」男友：「你以前似蘿莉」我：「咁我而家似咩？」男友：「你而家似…攞黎搞…」 一米五女友 2023-09-02
投稿觀賞區 31998. 買雪糕嗰時問老公食唔食 佢話唔食 因為減價，照買一大堆 但係買完就後悔，怕肥 唯有求老公幫我食，順口講咗句：唔該晒老公幫我食啲肥嘢 之後，佢就搭住我膊頭講：唔緊要，肥嘢我都食慣 我嬲到想掉哂雪糕 肥嘢老婆 2023-08-31
投稿觀賞區 31996. 同男朋友傾計，佢講左d野激死我。 我話：嘩，掂呀，個故事可以上girlfriendsestface喎。 佢話：我girlfriend唔west face，係dark face。 Anna 2023-08-30
投稿觀賞區 31994. 男朋友夜晚十一點嗌肚餓，佢問我食唔食嘢，我話唔想刷多次牙，之後佢煮咗個烏冬出嚟仲落咗勁多餸，我不停喺佢後面話好香但佢冇理過我直至食完，我就開始話佢一條烏冬都冇問過我想唔想食，我話食宵夜一定要預備多一份 寶寶肚餓但寶寶不說 2023-08-28
