投稿觀賞區 26527. 以下係我同我啊媽嘅對話。 我: 今晚唔駛買多盒小菜？ 媽: 唔買咪唔買囉～ 我: 咁我買唔買好? 媽: 買唔買都得。 我: 咁我都係買啦。 媽: 都話唔駛買囉！ 最後我都係買咗。🙃 作為女性都覺得女性好難明 2020-07-19
投稿觀賞區 26525. 同男朋友夾公仔 男朋友問：「你想夾邊隻？」 我指住佢話：「我想夾呢隻返屋企！」 男朋友即刻話：「唔得喎！」 我問佢點解，男朋友好自豪話：「我係抓不住的男人。」 然後，我嬲咗佢。 一手抓不住的女友 2020-07-19
投稿觀賞區 26524. 同男朋友食飯，男朋友食咗一半都冇就話飽 我問：「今日咁快飽嘅？」（諗住佢會答有情飲水飽之類） 男朋友：「望到你就飽…」 我甜笑望住男朋友 男朋友繼續：「咁油膩…」 然後，我嬲咗佢。 大食女友 2020-07-19
投稿觀賞區 26522. 今日女朋友剪左短頭髮,佢問我: 以前長頭髮好睇定係短髮好睇 咁我梗係答兩樣都好睇啦。跟住佢迫我揀,我話短髮,跟住佢話,即係以前長頭髮唔好睇啦 跟住嬲左我 中伏的人 2020-07-18
