投稿觀賞區 26936. 好耐之前岩岩興staycation 我同我男朋友講我想去staycation阿 佢就話唔係讀staycation 係讀 stay-cation(正極stay positive 然後我比人笑到仆街 Stayanion 2020-09-19
投稿觀賞區 26934. 話說頭先買飛睇我在時間盡頭等你，排隊果時女朋友話一陣佢講買咩戲，一心諗住無事，點知買完之後 個女售票員同我講1930我在時間盡頭等你。然後我女朋友嬲左。。。 Ka 2020-09-19
投稿觀賞區 26931. 因為男朋友玩電話唔理我所以發脾氣，嬲完傾番佢話唔鐘意我發脾氣，我問佢我係咪成日都發脾氣，佢話咁又唔係，唔算多，然後佢停一停再講，不過發脾氣一次都嫌多，然後我又嬲咗 冇脾氣女友 2020-09-19
投稿觀賞區 26930. 同男友鬧交，Text到一半佢無應機我估佢訓左。第二日我問佢：你唔驚無左我咩？佢話：驚啊！我話：咁你琴晚仲訓？佢話：好驚但又唔知點氹你咪訓教囉！然後我嬲到無野講 一秒變潑婦 2020-09-19
投稿觀賞區 26927. 個日我生日，我拎起個蛋糕叫佢幫我影相，佢影極我都覺得影得唔好睇，佢問我：「咁你想點影呀？」，我話：「我想要自拍咁既效果呀。」，佢就話好呀。跟住佢影完比我睇，佢用左自拍影佢自己個樣，我笑死左😂 壽星女 2020-09-18
投稿觀賞區 26925. 男朋友每次都懶得諗同我去邊度食飯。有日佢話前晚同兄弟食飯之後已諗定下次食咩，仲話之前睇中咗幾間餐廳咁話。我問佢點解平時我話出街食飯點解你諗唔到去邊度食嘅。我話我唔想成日都係我諗，有時都想男朋友諗下。 女友投訴 2020-09-18
