投稿觀賞區 27200. 同男朋友facetime住玩Among us 我做impostor, 俾男朋友聽到我殺人嘅聲 佢即刻9衝去㩒Emergency call 同其他人講係我(做impostor) 跟住我俾人投死咗 然後， Pink impostor 2020-10-26
投稿觀賞區 27197. 女友：我蒸餃子 食咩餃子 我：有咩揀 女友：有普通菜肉餃 有韓印紅泡菜餃 我：普通得啦 女友：可能你未聽清楚 有special好好味既韓印紅泡菜辣餃 我：普通得啦 女友嬲左… 啃尼 2020-10-24
投稿觀賞區 27195. 事源手機彈咗四年前嘅相出嚟回憶! 男朋友話bb以前同依家個樣好似有啲唔同,以前好似可愛啲！咁就搵返今年嘅相對比下,發現咗笑起上嚟法令紋好似深咗！之後男朋友話你好似火影忍者嗰個宇治波鼬！然後我嬲咗佢 佐助呀哥 2020-10-23
投稿觀賞區 27194. 有日同男友一齊睇Facebook見到有個post 係講原來女人嘅陰部有分五大種唔同既樣 我地就好奇㩒入去睇 我: 嘩乜原來有啲咁嘅樣架 男友 快狠準地回答 :有呀 然後我嬲左佢 你點知的 2020-10-23
投稿觀賞區 27192. 揸車番屋企途中見到個女仔揸電單車 女朋友：「你個ex學緊電單車喎，如果你仲同佢一齊你會唔會唔比佢學？」 男朋友：「有咩好唔比，電單車無想像中咁危險」 女朋友：「即係你依家幻想緊同佢一齊啦」 然後我嬲到 現任女朋友 2020-10-23
投稿觀賞區 27189. 男朋友腸胃炎，我地因為一啲小事嗌交 男：你可唔可以細心啲？ 我：我有咩唔夠細心 男：你係細心就唔會買檸檬味雪芳蛋糕俾我 我：檸檬味有咩問題 我腸胃炎你都係買呢個俾我… 然後佢呆咗 我嬲到喊咗 唔夠細心的女友 2020-10-22
