投稿觀賞區 27512. 岩岩執完轉季衫。我：唔知係咪初老症，開始少咗買衫，你認唔認得我而家着啲衫多數都係幾年前買落嘅？ 男朋友：係囉，都幾緊貼。 我：你都覺得我幾緊貼潮流呀呢… 男朋友：我冇話你緊貼潮流，我話你緊貼咋嘛！ 被屎忽鬼辣㷫的女友 2020-12-12
投稿觀賞區 27511. 有日我同男朋友講，我係Facebook一個餃子愛好者group見到有個老婆出post，佢話佢雖然唔鐘意芫荽，但老公鐘意，所以買左豬肉芫荽餃(I.e.豬荽餃)比佢。點知男朋友話，你拎住棵荽咪豬西囉！ Sarah 2020-12-12
投稿觀賞區 27508. 老豆好鐘意自己買牛腩羊腩返黎煮 我 “壓力煲入面嗰啲咩黎架” 我媽搶住答“肉呀！佢favourite ！” 我“ 佢favourite 唔係你咩？” 阿媽另頭表示不同意 老豆終於出聲“你阿媽都好多肉” 最緊要老豆開心 2020-12-12
投稿觀賞區 27506. 剛剛結婚一起開始住的時候，諗住會好sweet，點知每朝起身嘅時候迎接我嘅都係老公電話鈴聲陳柏宇嘅逸後，仲要係chorus位「今天起各有逸後⋯」聽左幾個月我終於忍唔住同佢講，佢話好少有廣東歌咁大聲喎 各有日後 2020-12-12
投稿觀賞區 27503. Fing 緊對手脾，我問老公，點解我手脾既拜拜肉仲有既？之前好似無左d架啦喎？點知⋯⋯佢舉高自己對手脾再show隻老鼠仔話，出黎！出黎！拜拜肉出黎！ 😒😒😒😒 你好嘢！ 甜心太太 2020-12-11
