投稿觀賞區 27860. 男朋友揸車送我返屋企，佢泊咗喺個劃「卸貨停車位」到，然後我哋講完拜拜同Goodbye Kiss，我開門落車之際，佢就同我講：「好啦，我都卸完貨啦，件肥婆落咗車啦！」，然後佢自己都心虛走得好快！ CC 2021-02-08
投稿觀賞區 27859. 今日同男朋友玩的時候，我打佢pat pat，佢好配合咁將個pat pat令過嚟，係我落手打嘅一刻，佢對住我塊面放咗我好撚臭嘅屁，結果，我嬲撚到仆街，再笑都唔嬲 仙女不放屁的女朋友 2021-02-08
投稿觀賞區 27855. 我頭髮挑染完灰啡色highlight，男朋友問我：「啊B你做咩多左白頭髮？」，我強調：「係灰啡色highlight來架！」，佢唔信，仲一手執起我啲頭髮好自信反問我：「真係唔係白頭髮？」，然後我嬲咗。 白髮魔女 2021-02-07
投稿觀賞區 27854. 男朋友同我比喻女人就好似股票，而我就係一隻一直升嘅股票佢點都會strong hold。我問佢「咁我咩升緊咁勁啊？」以為佢會開始讚我嘅時候，佢答我「年齡同體重囉」。然後我嬲左。 潛力股 2021-02-07
投稿觀賞區 27853. 想介紹男友聽《E先生連環不幸事件》，問佢：你識唔識Mirror嘅Edan呀？佢答：我識Error嘅保錡呀，好似八両金㗎嘛! 佢睇完Edan個MV之後話：咁你係鍾意啲靚仔嘅。我就不嬲都留意啲醜人多啲。 E先生粉絲 2021-02-06
投稿觀賞區 27852. 爸爸一直都係屋企負責買餸同煮飯個個 今日媽咪見到廚房有好大條黃花魚 就問點解買咁大條 然後爸爸就話：似你咁大份啊嘛 然後就無然後了……成餐飯媽咪都無講過嘢 忍唔到笑嘅女 2021-02-06
投稿觀賞區 27850. 男朋友抱住我瞓覺，佢抱抱下我，兄弟叫佢打機，佢好小心咁移開我，落床去打機😕仲要俾佢嘈醒叫佢無反應，搵枕頭扔佢，佢第一句問我點解唔瞓耐啲。最後我嬲咗佢。 爆炸的女友 2021-02-05
