投稿觀賞區 32008. 男朋友成日讚我可愛，但我成廿幾歲人比人話可愛好尷尬。我：唔可以用可愛嚟形容我，要成熟啲。男朋友：咁可惡，可怕，可恨，可憎，可怖囉。然後我一路嬲一路笑。 可憐 2023-09-05
投稿觀賞區 32006. 老公買左兩盒同款高達番泥，我鬧佢嘥錢，佢話：「呢個高達好珍貴架，一盒用泥砌，一盒用泥擺系床下底收藏。」，我問：「咁老婆珍吾珍貴？」，佢答：「珍貴，所以…」，我已經眼火爆。 吾知應該做被砌定被收埋落床下底既老婆 2023-09-04
投稿觀賞區 32005. 是咁的，事源同女朋友一齊之前佢就model 身材，宜家一齊左之後就幸福地肥左5kg。今日女朋友叫我幫手搵一件oversize t shirt 出街，我口快快笑住咁答：已經冇oversize 呢回事啦。 DC 2023-09-03
投稿觀賞區 32004. 見到季節限定嘅蛋糕想買嚟食 男友: 唔係話減肥咩 我: 減肥有得遲，季節限定邊有得遲…識唔識分輕重架？ 男友: 你咪重囉 然後，我嬲咗佢🤡 重過蛋糕少少咁 2023-09-03
投稿觀賞區 32003. 去食泰國船麵 有 牛 同 豬 我：兩碗船麵 一個牛一個豬 一個要金邊粉 一個要粉絲 老闆娘：邊個係牛 邊個係豬 我諗咗半秒 女朋友：我係豬 我 笑咗 之後女朋友嬲咗 點解我唔認咗係豬先 一頭蠻牛 2023-09-03
投稿觀賞區 32000. 睇番舊對話紀錄，男友係未一齊果陣講過佢自己好鍾意蘿莉，我自問唔蘿，所以問佢：「你咁鍾意蘿莉，咁你點解鍾意我？」男友：「你以前似蘿莉」我：「咁我而家似咩？」男友：「你而家似…攞黎搞…」 一米五女友 2023-09-02
