投稿觀賞區 28195. 我上網睇緊隻貓既野，男友係隔離一齊睇 。 我：「呢個貓糧盒似米缸囉」（同時間隻貓叫緊） 男友：「（敷衍）嗯 」 我：「你係應緊隻貓定應緊我 」 男友：「應曬。」 同隻貓一樣地位既女友 2021-04-03
投稿觀賞區 28193. 我細老公4年，有日我問老公如果我再細多兩年，會唔會都同我一齊。老公話差多兩年咪再多啲公主脾氣。我問佢係咪即係而家都已經好多公主脾氣，佢話唔係錦嘅意思，係唔成熟姐。然後我嬲咗。 公主病老婆 2021-04-02
投稿觀賞區 28192. 我便秘左好多日,有日終於痾左出嚟再幫舊屎影相留念,女朋友叫我比張相佢睇,我唔肯,佢話咁比你阿媽睇,第二日我真係比左我阿媽睇,佢問點解比得你媽睇唔比得我睇,我話因為妳唔係我阿媽,然後,佢嬲左我 便秘男 2021-04-02
投稿觀賞區 28191. 尋晚同男友講返自己行行下街比個日本男人撩go for a drink? 男友第一個反應係話個日本人都幾大膽，帶住口罩未驗貨都夠膽問，然後，我嬲咗佢。 口罩美女 2021-04-02
投稿觀賞區 28188. 我喺一人一個靚女ig post留言咗個女仔ig，其實我冇覺得佢靚，純粹玩野，以為女友應該唔會睇到，冇特登hide name就留言，點知比佢發現咗，然後嬲咗我😭😭 水瓶仔 2021-04-01
投稿觀賞區 28187. 男朋友冇發現我嬲咗佢，晏晝嘅時候話食完飯即刻過嚟揾我，本身聽完幾開心心諗終於知道要氹下我。不過都講句客氣說話，話唔使叫佢做野啦。點知佢覆我，「我諗住6點先食飯」。我依家仲嬲緊。 仲嬲緊嘅女朋友 2021-04-01
投稿觀賞區 28185. 女朋友：嬲左 我：？ 女朋友：係街見到個女仔好似你ex所以嬲左 我：wtf????????????????!? 女朋友：咁你ex有冇染頭髮 我：cls我唔知啊 女朋友：ok8 迷惘 好迷 好惘 2021-04-01
