投稿觀賞區 28856. 雪櫃有兩枝甜筒，一枝薄荷一枝朱古力，我問佢：「你要食邊枝？」佢答：「薄荷囉！」過左一陣，佢問我：「枝甜筒呢？」我答：「你要薄荷丫嘛，我咪食朱古力，你枝薄荷收返入去。」跟住佢見住我食朱古力甜筒，嬲唔落。 為食小豬 2021-07-26
投稿觀賞區 28855. 有晚stone左男朋友送我返屋企，上到去我問佢 : 點解你個樣咁似我男朋友既？你點知我住呢到啊？之後男朋友嬲左，因為我認唔到佢。第二朝醒返我發現佢堅嬲，我忍唔住嬲返佢轉頭。 STONED大PINK 2021-07-26
投稿觀賞區 28854. 前日去女友屋企食飯，Auntie一如以往蒸左女友好唔鐘意食嘅蒸茄子，一放上枱女友話：好醜樣囉！Auntie神經反射半秒：夠你醜？我忍唔住吱左一聲。然後，我就冇然後了 進擊的濤寶 2021-07-26
投稿觀賞區 28851. 女朋友見到我碌緊ig, 然後話：「B呀，如果我ig post 多啲相你係咪剩係睇我唔睇其他女仔呀？」我求生就答：「梗係啦！」然後佢黑面咁講：「咁即係你之前成日睇其他女仔喇！」然後佢嬲咗。。。 無奈俠 2021-07-25
投稿觀賞區 28849. 上次某電視台儲印花換生啤果單野，我無留意搞到miss成個function已經搞到比女友嬲左成個月啦。今次留意到又有搞，即刻金精火眼MON到實幾時有印花啦。一見到有印花就即刻9秒9開app諗住影低儲印花 森尾愛辣醬 2021-07-25
投稿觀賞區 28848. 我未婚妻好鍾意Mirror個Frankie，佢問我可唔可以練到好似Frankie咁嘅身型，咁結婚嘅時候可以抱起佢，然後我話不如你減咗肥先啦，如果你唔減肥我諗連Frankie都抱唔起你。然後，佢嬲咗我 Andrew 2021-07-25
投稿觀賞區 28847. 有一日我男朋友買左兩隻公仔比我，個袋唔夠位擺第二隻，跟住我手拎住，話「我好似個啲蘿莉咁，好Q咁拎住隻公仔係街行～」，跟住佢話：「我都未見過啲蘿莉咁大隻」，跟住我就嬲左。 大隻蘿莉 2021-07-24
