投稿觀賞區 28892. 男朋友半年前睇完ex ig同我講ex好似肥左，打扮又有少少大媽味。(我內心暗爽)然後佢今日同我講，我係人地個ig story見到ex，好似又瘦番同靚左wo，所以你都減下肥啦。然後我嬲左。 肥豬仔 2021-08-02
投稿觀賞區 28888. 呢排無咩做，唔知死嘅男朋友帶咗我去郊遊。 途中我拎住風扇行， 行行下我就同佢講（指風扇）「佢都幾嘈幾大聲！」 佢就好細聲咁講「咪同你一樣」 我就問佢「咩話？」佢話「無野」 我質問番佢「咩叫同我一樣🙂」 熱到臉都唔想西嘅女朋友 2021-08-02
投稿觀賞區 28886. 有傾電話男朋友笑我講嘢低b 之後嬲左佢 然後佢背莫生氣比我聽 我笑左，我話呢個要郵寄去十萬個激嬲女友 之後佢笑我話係投稿唔係郵寄 所以又嬲左佢 之後佢又再背多次莫生氣 然後我再笑返 最後佢背左兩次 女友莫生氣 2021-08-01
投稿觀賞區 28885. 今日我地全家食飯個時係到睇奧運，我媽話某個選手幾靚仔，之後我就問，佢靚仔啲定阿爸靚仔啲。佢話：「唉唔好講呢啲。」我爸已經黑黑地面，之後我媽再補多句：「咁佢本身唔靚仔我冇理由話佢靚仔架嘛。」我爸黑曬面 不孝女 2021-08-01
投稿觀賞區 28884. 親熱緊果陣 男朋友:你對波好似遊戲機既手掣 我: 點解啊☺️(心諗唔通係因為愛不釋手) 男朋友: 因為得兩粒的可以㩒 我:(塊面西到乜咁) 佢: 笑到仆街 然後我嬲左 AA 2021-08-01
投稿觀賞區 28882. 上男朋友屋企坐，一入到門口見到佢枱面有樽水，當下好頸渴就拎起飲。之後男朋友同我講，唉，你下次問吓我先飲呀嘛！水我用嚟比貓飲㗎，又要開過樽啦！但我飲晒佢先講！然後我嬲咗佢 我不是貓奴 2021-07-31
