投稿觀賞區 29973. 今晚Facebook 彈左個我係五年前激嬲女朋友嘅投稿，係關於「玩具同韓星」。我俾則動態回顧佢睇，佢話「你講大話，我都唔嬲人嘅。」五年後嘅今日，佢（又）嬲咗。 五年後仲未買到玩具嘅肥仔 2022-02-19
投稿觀賞區 29971. 話說我仲要番公司 但旁邊既老細又咳又唔戴口罩 我同老細坐得好開 夜晚同男朋友傾電話既時候畫左幅圖俾佢睇 睇下我坐得幾開 一心諗佢會安慰我 屌下老細 點知佢話：你有無諗過加入Johnny 仔？（IT 狗 心靈確診者 2022-02-18
投稿觀賞區 29968. 我有日發夢，夢見自己着住兔女郎衫問我男朋友我正唔正呀？ 佢話：你啱扮小魔女Do-Re-Mi 我話：係咪因為我cute呀？ 佢話：勁cute！好似啲未發育嘅小朋友 我醒左，然後我嬲咗佢 小魔女兔女郎 2022-02-16
投稿觀賞區 29963. 話說有一日同女朋友玩心理測驗， 佢：你覺得準唔準 我：係喎，你有獨特既審美觀， 你覺得岩唔岩 佢：errrr 我： 緊係岩啦，你覺得自己靚！然後佢嬲左我 Playground 2022-02-15
投稿觀賞區 29962. 呢排一齊玩Pokémon Unite, 我好鍾意用奇異種子，但成日唔覺意行到好前打，佢就成日同我細佬一齊叫我做「送頭種子」。咁我轉用另一隻小精靈叫甲賀忍蛙，佢就叫我做「奪命蛙」，容易被奪命的傻蛙。 送頭種子（女朋友） 2022-02-15
