投稿觀賞區 7952. 有一排ex bf時常飲酒飲到斷片,有一晚又出去飲酒,我嬲,佢答:「你唔好為咗啲無聊事嬲,我識照顧自己」,跟住係電話鬧咗我20分鐘,話我唔支持佢工作,因為阻止佢應酬 不是港女 2017-11-16
投稿觀賞區 7949. 零晨時份有人約我前男朋友去飲酒,佢一定去,有次我約佢放工食飯,佢答應咗,臨收工時佢話攰唔食返屋企,我心中都有不爽但無嬲,跟住佢問我有無嬲,我答無,佢唔信,就答我:「你不能體諒我都無辦法!」,今次我堅嬲 不是港女 2017-11-16
投稿觀賞區 7947. 我前男朋友同我講佢嘅想法,我答好,佢之後答我:「我唔係問你好唔好,而係講你知」。經歷此事後,有一次佢同我講佢決定咗嘅嘢,我答,我尊重你決定,跟住佢答我:「是唔需要你尊重我決定,我決定咗咁就咁」 不是港女 2017-11-16
投稿觀賞區 7946. 話說前幾日男朋友上我屋企 咁啱最近追緊李*碩套戲 咁啱就做緊好浪漫嘅情節 我:「個男主角真係好浪漫,如果我係女主角我都會冧到死」 男友:「寵寵寵寵寵!」 跟住我嬲到唔睇 愛睇當你沉睡時的女人😍 2017-11-16
投稿觀賞區 7945. 問男朋友去唔去旺角行街,佢話去。我放咗學即刻去旺角地鐵站等佢,點知佢問我係邊,我話係旺角等緊佢囉。佢話:我係話去,不過唔係今日囉⋯(佢冇講過囉!)結果我等咗佢9個字,然後嬲到癲咗! 比人激到高血壓的女人 2017-11-16