投稿觀賞區 30342. 同男朋友拍拖一個半月 某日講起電話號碼 我話雖然我記性唔好 但好努力每日都背三次佢電話號碼 我就喺佢面前背一次出嚟 之後佢話 我都唔記得你電話 但我知係5字頭1字尾 我當下黑左面 因為我電話係9字頭 9姑娘 2022-04-28
投稿觀賞區 30341. 我問老公：「你估下，如果你無同我一齊，會同咩人一齊？」 佢諗都無諗就答：「樣衰過你同埋脾氣難頂過你嘅人！」 我：「即係宜家你話我又樣衰，脾氣又難頂啦！」 又樣衰脾氣又難頂的女人 2022-04-28
投稿觀賞區 30339. 同男友去行街，經過一間賣三點式泳衣嘅舖頭。我話：問下佢有冇啲啱肚腩大嘅人著嘅泳衣先 男朋友呆住咁答：不如你問佢有冇啱大肚婆著嘅泳衣啦 然後我嬲到仆街 唔知點解會大左肚嘅女朋友 2022-04-27
投稿觀賞區 30335. 同男朋友食自助餐，叫佢幫我拎杯檸檬茶。然後一飲甜到仆街。我問杯檸檬茶啲糖水係佢落定係呢度落埋？」佢好驕傲咁樣答：「係我落㗎 ！因為放滿對你愛～～～難怪跟誰也再沒法戀愛（大聲唱）」 唔知好嬲定好笑嘅女朋友 2022-04-26
投稿觀賞區 30334. 我發咗夢係保護友女，免受魔物襲擊，朝早講返個故事佢聽。女友：估唔到你連夢都會咁錫我。我：咁係因為現實中，你應該連火龍巴拉卡斯都可以秒殺。然後到我被秒。 夢中人 2022-04-26
