投稿觀賞區 30560. 尋日同男朋友去食壽司郎 食到咁上下我望住隔離既迴轉帶啲壽司諗緊食乜好 男朋友就深情望住我側面講：「你好靚」 正當我好冧拎返個頭望住佢笑個陣 佢再講：「不過正面就麻麻」 我當堂反晒白眼唔知好嬲定好笑 側面殺手 2022-06-14
投稿觀賞區 30558. 有日同男朋友去迪士尼，佢無啦啦細細聲問我想做queen定king，我答佢“King,因為型啲,啲衫又大份啲”，然後佢答我“King Kong” 好細份既迪士尼皇后 2022-06-13
投稿觀賞區 30556. 去左外展Camp幫手, 女朋友要我半夜好走, 唔俾過夜. 安頓曬啲工作, 三點出左去搭N車, 然後佢嬲左我, 因此佢話我太遲先返到屋企. PS 我地未同居 Guy 2022-06-12
投稿觀賞區 30555. 同男朋友做完gym, 佢無沖涼就拎袋走, 於是我就話佢臭崩崩, 然後佢答左句: 係呀, 我係湊賓賓呀。重將我推左去班工人姐姐到…(PS 本身膚色係黑) 無名氏 2022-06-12
投稿觀賞區 30554. 我下個月生日男友Book左Staycation同我慶祝，我見到確認電郵個Remark寫「羊架要medium rare」，乜唔係應該mark女友生日咩😑，而且份羊架係佢食⋯😓，又嬲又好笑😂 女友 2022-06-12
投稿觀賞區 30553. 女朋友呢排開始做鋼線箍牙 而我本身個鼻又好大 我成日覺得我地好似Chip and Dale 上星期我地去個聚會 我介紹完我同女朋友之後, 忍唔住講左句”我地就係大鼻鋼牙!” 之後女朋友黑面黑左成晚 大鼻 2022-06-12
