投稿觀賞區 30729. 我：唉，爛眼搞到我又老又醜。男：我地每日都老梗，但你好靚。我：我每日都老梗，我應該要好靚但我依家好醜樣。男：唔係呀，你唔化妝都好靚。我：唔係呀，我勁醜樣。男：(第一次喝我)停啦！你真係好靚！[開心仔] 即將爛臉的人 2022-07-20
投稿觀賞區 30727. 男友長期餵食導致最近肥左少少（100磅左右） 男友日日笑我肥 今日搭地鐵望見附近女仔都肥過我就問男友：你睇附近有邊個瘦過我？男友答：有呀，你接受現實啦。 但明明全部都肥我好多。 然後，我嬲左佢。 想贏大富翁的女友 2022-07-19
投稿觀賞區 30726. 平時都係老婆煮飯多，佢亦成日問我整得好吾好食。有一日佢整左奧爾良雞翼(講真我知鬼咩叫奧爾良咩，好味就得喇)。佢:整得好唔好食？我:好食(跟住我心諗不如再氹下佢)就同佢講，好食過上次好多，你廚藝進步左 有飽飯食的人夫 2022-07-19
投稿觀賞區 30724. 係彩虹地鐵站大堂經過3個藝術品 我老公無啦啦同個囡講：「你知唔知以前係有4個架」 我疑惑緊 明明好似不嬲都係3個 正想出聲糾正佢既時候 老公：「你媽嫁左俾我之後得返3個係到」 然後我嬲到仆街 前芭蕾舞者 2022-07-19
投稿觀賞區 30723. 話說有日我就遲左少少到，男朋友就話唔緊要，因為你係女人呀麻！我心諗關咩事問點解，佢答：你係女人咪lady latedy呀！我反左白眼，然後佢補多句，而我地華人文化係會調轉讀變左delay，點都係遲。。 Ariel 2022-07-19
投稿觀賞區 30722. 送女朋友搭巴士點知送車尾。跟住佢話 唉最衰都係你，我答佢關我乜事，佢話你呢個時間認錯就得架啦。咁我就話我錯啦。佢立即補一句你知你錯乜嘢咩？ 佢嬲左 千萬萬錯都係我錯 2022-07-19
投稿觀賞區 30721. 我女朋友好細粒（150cm)，前排去睇Minion2，佢話我：有得睇Minion係咪好開心呢？（我本身都幾鐘意個卡通），我睇住佢：我日日都睇緊🙊 Dumq 2022-07-19
投稿觀賞區 30720. 女友：”呢排啲AV同啲女優都唔好睇” 我話：”唔係呀~近排呢個新人神木_幾好睇呀，你睇下~” 女友睇唔夠半分鐘：”你咁鍾意人地! 溝佢囉！同佢一齊啦！（然後佢嬲咗我） 我已經死了 2022-07-19
投稿觀賞區 30718. 睇金像獎見到提名板本龍一，男友問「你知唔知佢係邊個」，我話「只係知好出名日本人」，佢搖頭反白眼「點解我會揀左你做女朋友」，我問番佢有咩成名作，佢好慌張Googl好耐都答唔到，然後我話點解我會揀你做男友 版本聾壹 2022-07-17
