投稿觀賞區 30738. 同男朋友買完外賣返上屋企，係lift口聽到鄰居既狗吠。男朋友：大白B 又吠，梗係想落街玩啦。 我：點解佢咁大隻你都叫佢做B既？ 男朋友：你夠大隻啦，我咪一樣叫你做B 大隻B女朋友 2022-07-21
投稿觀賞區 30737. 有日行街見到個女仔背影好靚好瘦，我問我老公：唔知佢前面望落去靚唔靚既呢？我老公答我：上天係公平既，甘我就問佢：咁即係我小小肥，但靚啦？之後佢答我：不過有時上天都唔係好公平，之後我嬲左 半肥瘦 2022-07-21
投稿觀賞區 30736. 同男朋友係尖沙咀行行吓街，講起周星馳啲電影，佢問我有冇睇過唐伯虎點秋香。 我:有呀。 佢:你好似秋香咁靚。 我:唔制，我要靚過佢。 佢:咁我幫你諗過好聽啲嘅名。 我:好呀 佢:個夜景咁靚，不如就叫夜香 人比花嬌 2022-07-20
投稿觀賞區 30734. 男朋友話生日同我去食omakase，嗰日我著到靚一靚，上到佢車佢叫我戴眼罩話要俾驚喜我，停車一除眼罩就見喺佢屋企樓下，我：吓？唔係去食飯咩？佢：係呀！上我屋企食中式omakase嘛，阿媽等緊啦 食屎 lady 2022-07-20
投稿觀賞區 30730. 我男朋友最近好沉迷玩隻賽馬娘 有日出街佢揸住我個袋係後面叫「駕駕駕」 我有d嬲咁問佢：「你當我係咩？賽馬娘啊？」跟住佢答：「係既話你一定係跑得最慢個隻 哈哈～駕駕」 然後我嬲左佢幾日！ 菜馬娘 2022-07-20
投稿觀賞區 30729. 我：唉，爛眼搞到我又老又醜。男：我地每日都老梗，但你好靚。我：我每日都老梗，我應該要好靚但我依家好醜樣。男：唔係呀，你唔化妝都好靚。我：唔係呀，我勁醜樣。男：(第一次喝我)停啦！你真係好靚！[開心仔] 即將爛臉的人 2022-07-20
