投稿觀賞區 30787. 有日見到即食通心粉做緊特價$3/包， 女友：「好抵食，少少就可以發到好大好飽！」 男友：「咁咪同你一樣囉，成日小小事就發到咁大」 然後我嬲咗佢 發漲通心粉 2022-07-28
投稿觀賞區 30786. 尋晚睇MM新出嗰條大波妹片，女朋友同我本身都睇得好開心，突然之間佢問我片入面嗰個女仔正唔正，我見佢笑得咁開心，入面嗰啲主持又有份話正，就答咗佢正。之後佢嬲到仆街🥲 I’m too stupid 🥲 2022-07-28
投稿觀賞區 30785. 有一日同老婆行街經過商場好大塊全身鏡，老婆突然大叫，我問佢發生咩事，佢驚訝地同我講「原來我已經肥到無左條腰！」我聽完後放下心，回了一句「哦，冇咗好耐啦，重以為咩事甘大驚小怪。」 小心臟 2022-07-28
投稿觀賞區 30784. 有一日同女朋友同佢個fd去沙灘玩猜猜畫畫，趁佢個fd行開咗，我同女朋友講，我陣間畫巴斯光年，我哋扮心靈相通！之後我畫到一半，佢個fd勁快估到係巴斯光年，然後我女朋友嬲咗 畫家 2022-07-28
投稿觀賞區 30781. 女朋友將佢電話入面十幾個鬧鐘嘅畫面截圖比我 然後同我講:「你聽朝可唔可以打比我 我怕我唔知醒」 我話:「既然你覺得果十幾個鬧鐘都鬧你唔醒 點解你會覺得我區區兩個電話可以叫醒你」然後佢嬲到爆炸 Magnus 2022-07-27
投稿觀賞區 30779. #女友投稿 朝早起身，望住男朋友既側面。 我：原來你個鼻有節位，D人話代表你感情唔係好順喎。 跟著男朋友望番我， 男朋友：你個鼻冇節，乜你感情好順咩？ 然後，我嬲左佢。 Polly 2022-07-27
投稿觀賞區 30778. 以前男朋友勁鍾意留喺屋企，叫極佢都唔肯出下街拍拖，有日我問佢: 聽日放假你可唔可以帶下我去啲我未去過嘅地方呀？佢話: 可以呀，我帶你去我細佬間房丫。 然後我嬲撚左佢。 Vicvic 2022-07-27
投稿觀賞區 30777. 男朋友屋企人買左「女神西瓜」返嚟，佢見我望住個盒，就指住個住個logo話：「你呀」我好開心以為佢話我係佢女神，點知佢補多句：「唔係女神呀，係西瓜呀」然後我嬲左佢 女友 2022-07-27
