投稿觀賞區 32148. 女友去完日本求咗一道勝符比我。 我:勝符?有咩用阿? 女友:做咩都可以victory。 我:woohoo屌(仰天怒吼)! 女友:洗唔洗咁開心呀? 我:因為以後嘈交我都唔會再輸! 然後女友就收返道符。 Hayden 2023-12-03
投稿觀賞區 32146. 話說尋晚發夢, 女朋友話有其他男仔追仲同我講佢有機會。 當堂嚇醒左,咁岩又收到Message 話:「我夢見有其他女仔追你。」 我即刻打過去:「點解你個夢同我個夢係調轉嘅?」 「即係你追嗰個女仔呀?」 愛新覺羅 2023-12-02
投稿觀賞區 32145. 女友: 今晚好乖喎 掃地仲抽起電線掃埋牆角 我: 細個讀過本湯姆歷險記 主角被家人罰油油籬笆 然後佢昆其他小朋友 “你地睇~ 油油好好玩架! 你地都黎玩下啦~” 女友: (從口裡抽出牙刷) 咩昆啊! 掃地是因為愛 2023-11-30
投稿觀賞區 32144. 我煮咗一個三文魚炒飯飯盒,食完之後我同男朋友講 “love the salmon fried rice, because of the oil” 佢答: “same how I love you” 煮飯盒的肥妹 2023-11-28
投稿觀賞區 32140. 同朋友食完晚餐,男友接我附近行陣,冇那那話要幫我影聖誕樹同聖誕裝飾, 我呆左,點解之前唔同我講,而家食到好飽突哂肚腩出來, 仲係咁幫我影, d 相全部不堪入目,我然後我嬲左佢 非洲飢民 2023-11-26
投稿觀賞區 32139. 女友撞花我架車,整完拎車時,我同佢講「你記住以後唔好…」佢打斷我:「唔好再用你架車?!」我答:「唔係,係以後你坐我車嘅時候,唔該唔好再教我點揸車」然後佢嬲咗我 我有壓抑需要發射 2023-11-24
投稿觀賞區 32138. 女朋友成日話我似劉馬車 有日佢同我講:我今日。。好愛你 我:嚇死人咩(然後sd 左段自拍扮劉馬車片) 女友:一d 都浪漫 我:再sd 多段自拍扮劉馬車2.0 片俾佢 然後佢嬲左我 深水埗劉馬車 2023-11-22