投稿觀賞區 19399. 我知道男朋友個ex會互稱大家做啊B。之後前幾日同男朋友玩食雞嗰時，我地個隊友係一對唔識嘅情侶，之後個男仔係咁叫佢女朋友做啊B，之後我男朋友講咗句：「個女仔叫做啊B。」我成場冇同佢講過野 我係啊D唔係啊B 2018-12-29
投稿觀賞區 19398. 有一日我著左條新裙仔，老公話咦你今日終於著得似返個女仔la wo. 呢個moment我已經知道下一句一定唔係好野，但係我勇字當頭問佢咁我平時著得似咩啊？佢好細聲講左句”似隻熊” 似隻熊的Ellie 2018-12-29
投稿觀賞區 19395. 同男朋友傾起生日禮物要咩， 咁岩又差唔多要去旅行， 我提議話包佢機票酒店當係生日禮物， 佢就話「就咁決定」 到左去完曬旅行， 正日佢問我「禮物呢？」， 我：「機票同酒店咪係囉？」， 然後佢嬲左我 被陰的女朋友 2018-12-29
投稿觀賞區 19394. 我女朋友額頭生左粒暗瘡。我話你生左好大粒瘡。佢紋紋地話咁點呀？我話幫佢吱。佢話要熟左先吱得。之後我控埋佢額頭講:你好呀我叫呀峰，你叫咩名呀？得閒飲茶呀！佢笑住係咁打我 呀峰 2018-12-29
投稿觀賞區 19392. 男友食飯時讚美一位女客人的半截裙話好靚喎，叫我睇。我一望，個條裙前面係開高义，一坐低個义擘開左+露出大美腿:「難怪你話佢條裙靚」眼尾見到男友嚇到眼都突埋:「明明頭先佢企係到都唔係咁」然後我笑到收唔到聲 常威女友 2018-12-28
投稿觀賞區 19391. 剛剛同女友仲有另一對情侶去打邊爐，然後對面女嘅挨咗落佢男友度，我女友見到就挨過嚟係甘痴住我，我問佢：你發姣啊？然後佢嬲咗我。之後佢再挨落嚟話：你睇下人哋會攬住嫁，我秒答：如果側邊果個換咗其他女人就攬。 行不改名坐不改姓嘅Rain哥 2018-12-28
投稿觀賞區 19390. 女友一路食飯一路睇《十萬個激嬲女友的理由》，然後不由自主地喪笑。男友顯得一臉無奈。 女友：做乜你連問都唔問我笑緊乜野？你都唔想同我溝通嘅！ 然後，佢嬲左。 男友 2018-12-28
投稿觀賞區 19389. 話說睇緊其中一個電視節目既時候 個節目介紹緊隻貓叫金吉拉 女友：「我係唔係好似金吉拉咁可愛？」我：「係呀，不過發嬲就會變左哥斯拉。」然後佢真係嬲到成隻哥斯拉咁 哥斯拉 2018-12-28
