仲記唔記得之前嗰位mean到極致嘅男友? 其實佢女友到而家都仲keep住投稿畀我哋(佢真係好多貨…)，造就咗呢個續集畀大家欣賞!
而家即刻帶大家睇下佢男友嘅威水事跡啦!
(有理由相信呢條友係受過專人訓練，大家記住唔好學呀!)
1.
男友：「知唔知點解你減極塊面都咁大? 」
我：「點解? 」
男友：「因為你面皮太厚呀! 」
2.
男友有晚突然約我食飯
我：「咁好？係咪想同我求婚？」
佢：「咁算啦，當我無講過」
之後佢真係放工返左自己屋企食飯無約我…
3.
有個男同事成日串我
男友突然好好咁講：「攪錯呀條友係咪有病呀！」
我以為佢幫我講說話
男友：「佢日日咁激你，但又要我氹返你，真係好煩! 」
4.
入到酒店房
我：「嘩~好靚呀！你睇！個廁所透視㗎！嘻!」
男友默默行入廁所，然後較返低個電廉
5.
有一次真係嬲咗佢，忍住無whatsapp佢成晚
第二朝佢若無其事打嚟
我問：「琴日我無搵你你係咪好驚?」
男友：「間中咁都幾好，好安靜。」
6.
我：「我唔想成日同你嘈呀!」
男友：「嗱我從來都唔嘈嘅，係你自己嘈啫!」
7.
男友:唉瞓得唔好尋晚
我:「咁不如你試下臨瞓睇下我啲相先瞓吖!」
男友:「我尋晚就係睇左呀!」
8.
我同男友喺返工途中會傾電話
我：「你咁快返到公司啦? 要收線啦即係…唔捨得呀!有無嘢想同我講呀你?」
男友：「有!bye bye!」
