1.男友睇緊波
我同男友講：「你知唔知世界盃係分手高峰期！」
男友：「係咩？」
我：「因為啲男人都唔理自己女朋友！」
男友：「哦！」
然後佢唔理我繼續睇波，我只好自己死埋一二面發脾氣
2.睇緊世界盃，中場休息。
女友：「你去沖涼先啦一係！」
我：「唔得！」
女友：「中場都係播返啲精華，有乜好睇？」
我：「要睇個女主持人透咩色bra呀！」
然後，佢嬲咗我
3. 7月15係週年記念日，一早買咗機票，book好酒店同男朋友出國慶祝。
Plan行程時男友話嗰晚要睇世界盃決賽，喺附近是但買啲嘢返酒店食就算。
雖然我真係好嬲但我要扮哂體貼咁答「好」
4. 上男友屋企睇世界盃，
我問：「乜嘢係越位同12碼？」
男友未開口，佢阿媽叫我咪問啦自己google。
我男朋友偷笑。然後我嬲咗佢。
5. 英格蘭上半場贏巴拿馬5:0
女友話:「巴拿馬剩係識得整芝士㗎喳 hahaha」
我話:「 巴拿馬芝士？巴馬臣下嘛？」
佢google曬所有芝士名出黎都搵唔到巴拿馬芝士。
然後，佢嬲咗我
6.本人就快30歲，最近世界盃，趁熱鬧睇波細細地買50蚊賭下。
我女朋友話我賭得好兇狠然，
然後，佢嬲咗我
7.電視播緊德國，個旁述開口埋口係講湯馬斯梅拿點點點。
我聽咗好耐忍唔住問男友：「湯馬斯梅拿係咩嚟？個旁述係咁提呢個招式名好似好勁咁？」
男友話：「乜鬼野招式名？你以為湯馬士盤旋咩？」
然後，佢笑到仆街
8.睇緊西班牙對俄羅斯十二碼大戰，
女友過嚟問：「點解無人牆嘅？點解唔係一個人射晒嘅？」
我回佢一句：「點解緊張時刻你唔可以專心靜靜地睇波嘅？」
然後，佢嬲咗我
