1.
一講分手，前男友就即刻扮自殺衝向馬路，但其實就一早停咗喺路邊再拎過頭嚟等我地追上佢，最後搞佢唔掂報埋警。
之後佢死纏爛打煩完我煩埋我啲朋友，仲inbox我朋友留遺書，一時話要去外國參軍，一時話要去撒哈拉沙漠尋死。
單嘢斷斷續續糾纏左兩三個月🤦🏻♀️
2.
分咗手，前男友whatsapp我話佢喺我屋企樓下等我，仲瘋狂打俾我叫我去見佢，淨係cut線都cut到我燥。
當時返緊工嘅我想聽電話準備破口大罵時，佢搶先一步話我「你刻意扮絶情俾我睇穿晒，你咁樣做只係對自己殘忍」
最後，佢因為我屋企樓下多蚊，所以走咗。
3.
討論區開post話當時女友同幾個男仔去旅行，點知俾佢啲兵仔發現再share個post俾佢睇。然後，分手了。
4.
前男友一齊5年，有日佢無啦啦喊住同我講，話佢屋企人嫌我矮，所以要同我分手。
後尾我慢慢發現佢偷食嘅証據……
5.
嗰時同前男友都心中有數唸住散，所以佢講咗出口之後，我唔覺得特別驚訝同傷心，但反而有種重生嘅感覺。
點知佢講完後放聲嚎哭，我當時忍唔住笑咗出聲…
成個強烈對比嘅過程大概keep咗幾分鐘。
6.
前幾年啲高官都未興卸責落耶穌度，但嗰時我個返教會嘅男友就話發夢嗰時耶穌叫佢同我分手，結果真係分咗手。
7.
十幾歲仲係細路女時候，同個男仔拍拖，啱啱一齊都好sweet。
之後無啦啦佢話要分手，原因係太鍾意我搞到專心唔到上堂所以要分手，話要專注學業。
問題係，之後佢成績無好過，都係咁差……
8.
同男友鬧分手嗰陣男朋友太嬲一拳打凹左個雪櫃，即刻唔分手⋯⋯
