1.

阿媽:「今晚買咗啲香茅粉嚟醃豬扒!」

老豆:「你諗住攞嚟浸浴?」

然後,阿媽嬲咗

2.

阿媽煲啲唔知咩去濕湯,煲出嚟又啡又苦

老豆飲嗰時講咗句:「成碗拖地水咁!」

之後我同老豆一齊大笑

結果,我地成個月冇湯飲

3.

阿媽好開心咁話自己冇乜紋,

老豆:「你有冇見過吹脹咗嘅氣球有紋吖?」

然後,阿媽嬲咗

4.

阿媽買咗條紅色新裙,佢喺屋企試著問我地靚唔靚

老豆:「好似一條紅腸!」

阿媽9秒9換返,條裙之後都冇出現過

5.

阿媽:「個女生得好似我後生嗰陣!」

老豆:「梗係唔係啦個女靚咁多!」

然後,全家嗰晚食外賣

6.

有次成家去澳門,的士經過一間骨場

老豆同我地講‌:「入面全部都係女,全裸企係度任揀!」

之後佢好似意識到唔對路,再講:「不過我冇去過!好貴㗎!」

而阿媽,佢全程冇出聲

7.

細個嗰時一家人去游水,阿媽落水時,老豆:「航空母艦落水呀!」

之後我地好少見阿媽游水

8.

情人節一家人行花市,

呀媽係咁暗示要花,打哂眼色

呀爸好唔耐煩咁買左盆$10嘅盆栽當花,呀媽已經嬲左

之後我經過見到扎$280嘅花好靚講咗句:「嘩好靚呀!」

之後呀爸靜雞雞返轉頭買俾我

呀媽嬲到痴線自己走咗

留言板