投稿觀賞區 14270. 我: BB, 呢個星期五係咩日子呀？ 男友: 我哋約咗CR班人網聚呀嘛😁 我：唔係呀, 係我哋五周年啊！！！ 男友：係咪未試過咁多人同你一齊慶祝五周年呢？ 女朋友嬲到要馬上投稿😡 女友 2018-05-23
投稿觀賞區 14265. 有一次去間新餐廳，佢話間餐廳啲taste幾好，啲嘢好靚，我話：係啲餐具同枱凳係黑色你咪覺得靚囉。佢話：所以我都覺得你好靚。跟住我喪打是咁的，我男友好鍾意黑色（乜Q嘢都買黑色）而我係一個好容易曬黑嘅人。 黑妹 2018-05-23
投稿觀賞區 14263. 想女友出街舒服D，我建議佢著連Pad既背心底衫。女友擔心support唔到個胸部第時會「Dur」，我安慰佢：「傻啦，我都未擔心自己唔戴bra會dur啦」… 佢勁嬲，因為佢覺得我講得好有道理 越來越大膽的男友 2018-05-23
投稿觀賞區 14262. 打俾男朋友佢冇聽，打多次佢聽咗，我:「做咩唔聽我電話？」，佢(食到japjap聲)：「我岩岩食緊野，左手揸住個葡撻，右手揸隻個椰撻，d碎係咁跌落地。」(japjapjapjap~) 好可愛，但我嬲咗佢 椰撻>女朋友 2018-05-23
投稿觀賞區 14260. 話說女朋友book咗deadpool 2戲飛, 入到去先知原來係book咗 IIB 版。 我全程一路喂佢食無焦糖既爆谷，一路同佢講 ＂我宜家睇呢套戲同你食緊既爆谷一樣咁無味” 重口味 2018-05-23
